গুৱাহাটীৰ ১১ টা ৱাৰ্ডত আজিৰে পৰা পুনৰ ল’কডাউন হ’ব। আজি নিশা ৯ বজাৰ পৰা প্ৰযোজ্য হ’ব এই ল’কডাউন।
জিলা উপায়ুক্তই এক সংবাদমেলৰ জৰিয়তে এই কথা ঘোষণা কৰে।
অহা ১৪ দিনৰ বাবে হ’ব এই ল’কডাউন।
ক’ৰ’নাৰ গণসংক্ৰমণ হোৱা অঞ্চলত সংক্ৰমণ ৰোধ কৰাৰ বাবে এই পদক্ষেপ কামৰূপ মহানগৰ জিলা প্ৰশাসনে।
২, ৩, ৪, ৫, ৬, ৭, ৮, ৯, ১০, ১৫ আৰু ১৬ নম্বৰ ৱাৰ্ডত হ’ব এই ল’কডাউন।
২ নম্বৰ ৱাৰ্ডৰ আনন্দ নগৰ, জয়মতী নগৰ, নিউ আদাবাৰী, পাণ্ডু ৰেল’ৱে মাৰ্কেট, ফেৰী ঘাটৰ ৩,৪,৫ আৰু ৬ কলনি, নিউ ৰেইলৱে কলনি, ইনষ্টিটিউট কলনি, গাৰপাণ্ডু, LOCO কলনি, চাদিলাপুৰৰ এটা অংশ, BBC কলনি পৰ্যন্ত হ’ব ল’কডাউন।
তিনি নম্বৰ ৱাৰ্ডৰ গ্ৰীণ পাৰ্ক কলনি, ৱাটাৰ ৱৰ্কছ ৰেইলৱে কলনি, মন্দিৰ ঘাট কলনি, মালিগাঁও বালি পাৰা, গাৰপাণ্ডু এলেকা, আদাবাৰী, আদাবাৰী ৰেইলৱে কলনী, আনন্দ নগৰ, মালিগাঁও এলেকা।
চাৰি নম্বৰ ৱাৰ্ডৰ পাণ্ডু নাথ বস্তি, কামাখ্যা কলনি এলেকা, কামাখ্যা মন্দিৰ, মালিগাঁওৰ কিছু অংশ।
৫ নম্বৰ ৱাৰ্ডৰ মালিগাঁও পূব পশ্চিম ৰেইলৱে কলনী, গোটানগৰ ৰেইলৱে কলনী, আদৰ্শ কলনি, বি জি কলনিৰ এটা অংশ, গোশালা ৰেইলৱে কলনি, দূৰ্গা সৰোৱৰ, শান্তিপুৰ আৰু ভূতনাথ।
৬ নম্বৰ ৱাৰ্ডৰ ধীৰেণপাৰা, গণেশপাৰা, মনপাৰা, দতাল পাৰা, কটাহপাৰী, গড়চুক আৰু জ্যোতিকুছিৰ এটা অংশত হ’ব ল’কডাউন।
৭ নম্বৰ ৱাৰ্ডৰ গোটানগৰ, গোটানগৰ এন চি, মালিগাঁও এন চি, ফটাশিল এন চি, দূৰ্গা সৰোৱৰ, ফটাশিল, ধীৰেণপাৰা হিল চাইডত হ’ব ল’কডাউন।
৮ নম্বৰ ৱাৰ্ডৰ কুমাৰপাৰা, মাছখোৱা, আঠগাঁও (এটা অংশ), ভৰলুমুখত হ’ব ল’কডাউন।
৯ নম্বৰ ৱাৰ্ডৰ ছাত্ৰীবাৰী, কৃষ্ণনগৰ, টকৌবাৰী, ফাঁচীবজাৰ আৰু আঠগাঁৱৰ এটা অংশত থাকিব ল’কডাউন।
১০ নম্বৰ ৱাৰ্ডৰ ফাঁচী বজাৰ, পল্টন বজাৰ, পাণবজাৰৰ সমগ্ৰ অঞ্চলত হ’ব ল’কডাউন।
১৫ নম্বৰ ৱাৰ্ডৰ বিষ্ণুপুৰ, নতুনবস্তি, বিমলানগৰ, মহেন্দ্ৰ নগৰ, শংকৰপুৰ, ফটাশিল।
১৬ নম্বৰ ৱাৰ্ডৰ ভাস্কৰ নগৰৰ বৰ্ষাপাৰা, ধীৰেনপাৰা, আনন্দ নগৰ আৰু ৰঙাপথাৰত থাকিব ল’কডাউন।
অত্যাৱশ্যকীয় সামগ্ৰীৰ দোকান, জৰুৰীকালীন সেৱা, ফলমূল, শাক-পাচলি আৰু গাখীৰৰ দোকান খোলা থাকিব।
জৰুৰীকালীন সেৱাক বাদ কৰি যিকোনো ব্যক্তিগত বাহন, যাত্ৰীবাহী বাহনৰ চলাচল নিষিদ্ধ এই অঞ্চল সমূহত।
পূৰ্বতকৈ অধিক কটকটীয়া তথা কঠোৰ হ’ব এই ল’কডাউন। তাৰ বাবে সষ্টম থাকিব আৰক্ষী প্ৰশাসন।
