পেৰিছ অলিম্পিক ২০২৪ৰ উদ্বোধনী অনুষ্ঠানৰ পৰাই বহু বিতৰ্কৰ সৃষ্টি হৈছে। এটা বিবাদৰ সমাধান হোৱাৰ আগতেই আন এটা বিবাদ চৰ্চালৈ আহে। ইয়াৰ বাবেই আয়োজক সমিতিৰ লগতে ফ্ৰান্সৰ মৰ্যাদাও সমগ্ৰ বিশ্বতে কলংকিত হৈ পৰিছে। ইফালে এজন আমেৰিকান খেলুৱৈয়ে এনে অভিযোগ উত্থাপন কৰিছে যিয়ে ফ্ৰান্সৰ ব্যৱস্থা আৰু পেৰিছ অলিম্পিক আয়োজক সমিতিৰ ওপৰত ডাঙৰ প্ৰশ্নৰ উত্থাপন কৰিছে।
পেৰিছ অলিম্পিকত দিয়া পদকসমূহৰ মানদণ্ডক লৈ প্ৰশ্ন উত্থাপন কৰিছে আমেৰিকাৰ খেলুৱৈ তথা স্কেটবৰ্ড দলৰ সদস্য নাইজাহ হিউষ্টনে। পেৰিছত ব্ৰঞ্জৰ পদক লাভ কৰা হিউষ্টনে ছ’চিয়েল মিডিয়াত পোষ্ট কৰি পদকৰ মানদণ্ডৰ ওপৰত নিজৰ মতামত প্ৰকাশ কৰিছে। হিউষ্টনে নিজৰ ইনষ্টাগ্ৰামত লিখিছে যে এই পদকবোৰ যেতিয়ালৈকে নতুন হয় তেতিয়ালৈকে ভাল দেখা যায়। কিন্তু যোৱা এসপ্তাহৰ ভিতৰত মই পিন্ধি আছো আৰু মোৰ বন্ধুসকলেও চুইছে। মোৰ ঘাম আৰু বন্ধু-বান্ধৱীৰ স্পৰ্শৰ বাবে মাত্ৰ এসপ্তাহতে পদকৰ ৰং সলনি হৈছে, ম্লান হৈ পৰিছে। ইয়াৰ পৰা স্পষ্ট হৈ পৰে যে পদকৰ মানদণ্ড বেয়া। এই পদকৰ ছবিখনো শ্বেয়াৰ কৰিছে খেলুৱৈগৰাকীয়ে।
View this post on Instagram
ছ’চিয়েল মিডিয়াত শ্বেয়াৰ কৰিছে নিজা হিউষ্টনে পদকৰ ছবিখন। তেওঁ কৈছে যে এসপ্তাহৰ ভিতৰতে ইয়াক ৰুক্ষ দেখা গৈছে। ইয়াৰ তৰপবোৰ আগফাল আৰু পিছফালৰ দুয়োফালৰ পৰা আঁতৰি গৈছে। ৰংবোৰ ম্লান হৈ আহিছে ইয়াৰ দ্বাৰা ইয়াৰ নিম্ন মানদণ্ড দেখা যায়। হিউষ্টনৰ এই অভিযোগে পেৰিছ অলিম্পিক কমিটীৰ ব্যৱস্থা আৰু সততাৰ ওপৰত প্ৰশ্ন উত্থাপন কৰিছে। খবৰ অনুসৰি পেৰিছ অলিম্পিকত দিয়া পদকসমূহ আইফেল টাৱাৰ নিৰ্মাণৰ পৰা বাকী থকা লোহাৰ পৰা তৈয়াৰ কৰা হৈছে।
