“শ্ৰীময়ী অসমীৰ শীতল বুকুত উঠে…”গীতৰ লগতে কেইবাটাও কালজয়ী গীতৰ স্ৰষ্টা পুৰুষোত্তম দাসৰ পত্নীৰ মঙলবাৰে বিয়লি মৃত্যু হয়।
অসমৰ সংগীত জগতৰ “জিনিয়াছ” গীতিকাৰ তথা সুৰকাৰ বৰপেটাৰ সু-সন্তান প্ৰয়াত পুৰুষোত্তম দাসৰ পত্নী সাবিত্ৰী দাসে বাৰ্ধক্যজনিত কাৰণত শেষ নিশ্বাস ত্যাগ কৰে।
মৃত্যুৰ সময়ত সাবিত্ৰী দাসৰ বয়স হৈছিল ৮৮ বছৰ। অসমৰ সাৰ্থক গীতিকাৰ তথা সুৰকাৰ গৰাকীৰ পত্নীৰ বিয়োগত শোক প্ৰকাশ কৰিছে বৰপেটাৰ কেইবাটাও অনুষ্ঠান প্ৰতিষ্ঠানৰ লগতে বৰপেটা জিলা কৰ্মচাৰী পৰিষদে।
পৰিষদৰ সভানেত্ৰী মাধন ভূঞা আৰু সাধাৰণ সম্পাদক উৎপল দাসে শোক প্ৰকাশ কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰে।
