Mahatma Gandhi অষ্ট্ৰেলিয়াত ভাৰতে উপহাৰ দিয়া গান্ধীৰ মূৰ্তি ভাঙি চূৰমাৰ কৰা হৈছে। এই ঘটনাত দুখ প্ৰকাশ কৰাৰ লগতে তীব্ৰ গৰিহনা দি দেশখনৰ প্ৰধানমন্ত্ৰী স্কট মৰিছনে এয়া অতি অসন্মাজনক বুলি অভিহিত কৰিছে।
দেশখনৰ প্ৰধানমন্ত্ৰী স্কট মৰিছনে এনেধৰণৰ ঘটনা অত্যন্ত নিম্নৰুচিৰ, লজ্জাজনক তথা হতাশাজনক বুলি অভিহিতত কৰি এই ঘটনাৰ আঁৰত কোন আছে সেয়া তদন্ত কৰা হ’ব বুলি জানিবলৈ দিয়ে।
প্ৰধানমন্ত্ৰীগৰাকীয়ে এই ঘটনাৰ সৈতে জড়িত দুস্কৃতিকাৰীসকলে ভাৰতীয়সকলৰ লগতে অষ্ট্ৰেলিয়াবাসীকো অপমানিত কৰিছে বুলি প্ৰকাশ কৰে।
উল্লেখ্য যে ভাৰতৰ স্বাধীনতাৰ ৭৫বছৰ উদযাপনৰ অংশ হিচাপে দেশখনৰ প্ৰধানমন্ত্ৰী মৰিছনে ভাৰতৰ কনছুল জেনেৰেল ৰাজকুমাৰ আৰু আন অষ্ট্ৰেলিয়াৰ নেতাসকলৰ উপস্থিতিত ৰ’ভিলৰ অষ্ট্ৰলিয়ান-ইণ্ডিয়ান কমিউনিটি চেন্টাৰত গান্ধী মূৰ্তিটো উন্মোচন কৰিছিল।
Also Read: Inspiration for Life ১০৪বছৰ বয়সত পৰীক্ষা দি ১০০ৰ ভিতৰত ৮৯ নম্বৰেৰে চমক দিলে এইগৰাকী আইতাই
বাতৰি মতে, উন্মোচনৰ কেইঘন্টামান পাছতে গান্ধী মূৰ্তিটো ভাঙি পেলোৱা হয় বুলি কোৱা হৈছে। শুকুৰবাৰে বিয়লিৰ পৰা শনিবাৰে বিয়লিৰ ভিতৰত এই মুৰ্তি ভহাৰ ঘটনা সংঘটিত হৈছে বুলি জানিব দিয়ে ভিক্টোৰিয়া আৰক্ষীয়ে।
স্থানীয় প্ৰশাসনে জানিবলৈ দিয়া মতে অজ্ঞাত দুস্কৃতিকাৰী দলে মূৰ্তিটো ভাঙি চূৰমাৰ কৰে। পাৱাৰটুল ব্যৱহাৰ কৰি মূৰ্তিটোৰ শিৰচ্ছেদ কৰি দিয়া হৈছে। নক্স ক্ৰাইম ইনভেষ্টিগেশ্যন ইউনিটৰ বিষয়াসকলে ঘটনাটোৰ তদন্ত কৰিছে।
Also Read: Hardik Pandya বিমানবন্দৰত হাৰ্দিক পাণ্ডিয়াৰ ৫কোটি টকাৰ দুটা বিলাসী ঘড়ী জব্দ কৰিলে কাষ্টমছে
ভিক্টোৰিয়াত বসবাস কৰা ভাৰতীয়সকলৰ ৩০বছৰীয়া প্ৰচেষ্টাৰ অন্তত গান্ধী মূৰ্তিটো তাত স্থাপন কৰা হৈছিল। ভিক্টোৰিয়াত বসবাস কৰা প্ৰায় ৩ লাখ ভাৰতীয়ৰ বাবে এয়া এক অপ্ৰত্যাশিতই নহয়, লগতে এক হতাশাজনক ঘটনা হিচাপপেও বিবেচিত হৈছে।