ৰাষ্ট্ৰীয় অপৰাধ অভিলেখ সংস্থা অৰ্থাৎ নেশ্যনেল ক্ৰাইম ৰেকৰ্ড ব্যুৰোৰ শেহতীয়া সংস্কৰণে প্ৰকাশ কৰা তথ্য অনুসৰি ২০২৩ চনত মণিপুৰত আৰক্ষীৰ গুলীচালনাত ২৪ জন আৰু লাঠি চালনাত ৬ জন সাধাৰণ নাগৰিকৰ মৃত্যু হৈছে। ইয়াৰ বিপৰীতে জম্মু-কাশ্মীৰত একে সময়তে আৰক্ষীৰ গুলীচালনাত ৫ জন আৰু বোমা বিস্ফোৰণত ৫ জন সাধাৰণ নাগৰিকৰ মৃত্যু হোৱাৰ কথা প্ৰকাশ পাইছে।
উত্তৰ প্ৰদেশৰ প্ৰাক্তন ডিজিপি তথা প্ৰখ্যাত নিৰাপত্তা বিশেষজ্ঞ প্ৰকাশ সিঙে কয় যে, “মণিপুৰ, ছত্তীশগড়, ঝাৰখণ্ড আৰু আন কেইখনমান ৰাজ্যই আভ্যন্তৰীণ বিদ্ৰোহ আৰু মাওবাদৰ ভাবুকিৰ সৈতে যুঁজি আছে। গতিকে, এই ৰাজ্যসমূহত অসামৰিক লোকৰ মৃত্যু হয়। অৱশ্যে এনে ঘটনাৰ পৰা হাত সাৰিবলৈ সামৰিক সংস্থাসমূহে সদায় সৰ্বোচ্চ সাৱধানতা অৱলম্বন কৰে।”
এনচিআৰবিৰ তথ্য অনুসৰি ২০২৩ চনৰ ভিতৰত ৬৭ জন সাধাৰণ নাগৰিকৰ মৃত্যু হোৱাৰ লগতে মণিপুৰত সৰ্বাধিক ৩০ জনৰ পাছত জম্মু আৰু কাশ্মীৰত ১০ জন আৰু বিহাৰত ছয় জন সাধাৰণ নাগৰিকৰ মৃত্যু হৈছে।
