অনুপ্ৰৱেশকাৰীয়েই হ’ব পাৰে মণিপুৰৰ অশান্তিৰ আঁৰৰ ইন্ধন। মণিপুৰৰ মুখ্যমন্ত্ৰী এন বীৰেণ সিঙৰ সুৰতে এইবাৰ দাবী কৰিলে ৰাজ্যখনৰ ৰাজ্যপাল অনুসূয়া উইকে-য়ে। মে’ মাহৰ আৰম্ভণিৰে পৰা মণিপুৰত অশান্তি অব্যাহত আছে। মুখ্যমন্ত্ৰী বীৰেণ সিঙে দাবী কৰিছিল যে সীমান্ত অতিক্ৰম কৰা লোকৰ বাবেই মণিপুৰ অশান্ত হৈ পৰিছে। এইবাৰ ৰাজ্যপালেও সেই কথাকে দোহাৰিলে।
ৰাজ্যপালগৰাকীয়ে ভাৰত-ম্যানমাৰ সীমান্তৰ ফালেই আঙুলিয়াইছে। শুকুৰবাৰে মণিপুৰৰ ৰাজভৱনৰ পৰা ৰাজ্যপালৰ বক্তব্যৰ ব্যাখ্যা দি কোৱা হয় যে, “মণিপুৰত অশান্তি বিয়পোৱাৰ লক্ষ্যৰে একাংশ দেশবিৰোধী লোকে সীমান্ত পাৰ হৈ ভাৰতত প্ৰৱেশ কৰাৰ তথ্য চোৰাংচোৱা সূত্ৰৰ পৰা ৰাজ্যপালগৰাকীয়ে লাভ কৰিছে।”
লগতে পঢ়ক: অসন্তুষ্ট মহিলাসকলে দিয়ে এনে ইংগিত; পতিসকলে নুবুজিলেই বিপদ! কি কৈছে চাণক্য নীতিয়ে?
উল্লেখ্য যে বৃহস্পতিবাৰে ইম্ফল পূৱ জিলাৰ এটা সাহায্য শিবিৰ পৰিদৰ্শন কৰি ৰাজ্যপাল অনুসূয়াই ইংগিত দিয়ে যে মণিপুৰৰ হিংসাত্মক পৰিস্থিতিত অবৈধভাৱে সীমান্ত পাৰ হৈ অহা লোকসকলে ইন্ধন যোগাব পাৰে।
কিছুদিন পূৰ্বে মণিপুৰৰ মুখ্যমন্ত্ৰীয়ে কোৱা কথাৰ সৈতে ৰাজ্যপাল অনুসূয়াৰ এই বক্তব্যৰ মিল আছে। বীৰেণ সিং চৰকাৰে আৰম্ভণিৰে পৰা দাবী কৰি আহিছে যে ম্যানমাৰৰ পৰা মণিপুৰত অবৈধভাৱে প্ৰৱেশ কৰা লোকসকলে বনাঞ্চলৰ ভূমি বেদখল কৰিছে আৰু তেওঁলোকেই ৰাজ্যখনত গোষ্ঠীগত সংঘৰ্ষৰ আঁৰত আছে।
লগতে পঢ়ক: অভিনয় ত্যাগ কৰি যৌনকৰ্মী হৈ শেষ জীৱনত ভিক্ষা খুজি অনাহাৰে মৃত্যুবৰণ কৰিলে এইগৰাকী অভিনেত্ৰী
যোৱা ৩ মে’ৰ পৰা মণিপুৰত আৰম্ভ হোৱা হিংসাত্মক ঘটনাত ১৩০ জনতকৈ অধিক লোকৰ মৃত্যু হৈছে। কমেও ৬০ হাজাৰ লোক গৃহহীন হৈছে। সেনাবাহিনী নিয়োগ কৰা হৈছে। কিন্তু একোৱেই অশান্তি ৰোধ কৰিব পৰা নাই।
