কিংবন্তী ফুটবলাৰ পেলেৰ নামত ষ্টেডিয়াম নামাংকন কৰা হ’ব।
ব্ৰাজিলৰ প্ৰসিদ্ধ মাৰাকানা ষ্টেডিয়ামখন দেশখনৰ ‘জাতীয় নায়ক’ পেলেৰ নামত নামাকৰণ কৰিবলৈ লোৱা হৈছে।
ৰিঅ’ ডি জেনেেইৰ’ চহৰত স্থাপিত ষ্টেডিয়ামখনৰ এতিয়াৰ পৰা নতুন নাম হ’ব- ”এডছন আৰাণ্টেছ দ’ নাচ্ছিমেণ্ট’- ৰেই পেলে ষ্টেডিয়াম”।
উল্লেখযোগ্য যে পেলেৰ সম্পূৰ্ণ নামটো হৈছে- এডছন আৰাণ্টেছ দ’ নাচ্ছিমেণ্ট’।
আনহাতে ‘ৰেই’ শব্দটোৰে পৰ্টুগীজ ভাষাত ৰজাক বুজোৱা হয়।
অৰ্থাৎ পেলেক ৰজা বুলি সন্মান প্ৰদান কৰা হৈছে।
উল্লেখযোগ্য যে ৮০ বছৰীয়া পেলেৰ ব্ৰাজিলৰ হৈ তিনিবাৰ বিশ্বকাপ জয় কৰিছিল।
দুধূৰ্ষ ফৰৱাৰ্ডজনে ফুটবল কেৰিয়াৰৰ ১,০০০ সংখ্যক গ’লটো মাৰাকানা ষ্টেডিয়ামতে সম্পন্ন কৰিছিল।
১৯৬৯ চনত ব্ৰাজিলৰ ছান্টোছ ক্লাবৰ হৈ ভাস্কো ডা গামা ক্লাবৰ বিৰুদ্ধে তেওঁ এই গ’লটো কৰিছিল।
এই মাৰাকানা ষ্টেডিয়ামতে ১৯৫০ আৰু ১৯১৪ চনৰ ফিফা বিশ্বকাপৰ ফাইনেলকেইখন অনুস্থিত কৰা হৈছিল।
আনহাতে ২০১৬ চনৰ অলিম্পকৰ উদ্বোধনী অনুষ্ঠানো সম্পন্ন কৰা হৈছিল এই ষ্টেডিয়ামতে।
৭৮,৮৩৮টা চীট থকা ষ্টেডিয়ামখন প্ৰথমে মাৰিয়’ ফিল্হ’ নামৰ এজন সাংবাদিকৰ নামত নামাংকৃত কৰা হৈছিল।
সাংবাদিকজনে ১৯৪০ চনত ষ্টেডিয়ামখন নিৰ্মাণত আগভাগ লৈছিল।
কিন্তু পাছলে ষ্টেডিয়ামখন য’ত স্থাপিত হৈছিল, সেই ঠাইৰ নামেৰে ‘মাৰাকানা ষ্টেডিয়াম’ৰ ৰূপৰ বিশ্বৰ ক্ৰীড়া জগতত চিনাকি নাম হৈ পৰিল।