অপ্ৰতিৰোধ্য মেৰী কম বিশ্ব প্ৰতিযোগিতাৰ কোৱাৰ্টাৰত; ৫-০-অত প্ৰতিদ্বন্দ্বীক ধৰাশায়ী

বয়সে হাৰ মনাব নোৱৰা অপ্ৰতিৰোধ্য মেৰী কমে মহিলা বক্সিং বিশ্ব প্ৰতিযোগিতাত ৫-০-ৰ স্পষ্ট ব্যৱধানত প্ৰতিদ্বন্দ্বীক হৰুৱাই কোৱাৰ্টাৰ ফাইনেলত প্ৰৱেশ কৰিছে।

ৰাছিয়াত চলি থকা শীৰ্ষ প্ৰতিযোগিতাখনৰ ৫১ কেজিৰ শাখাটোত (ফ্লাইৱে’ইট) মেৰীৰ প্ৰতিদ্বন্দ্বী আছিল ২১ বছৰীয়া থাই বক্সাৰ জুটমাছ জিটপং।

ভাৰতৰ বক্সিং কুইন মেৰীয়ে এতিয়া অহা ১০ অক্টোবৰত অনুষ্ঠিত হ’ব লগীয়া কোৱাৰ্টাৰ ফাইনেলত কলম্বিয়াৰ ইনগ্ৰিট ভেলেন্সিয়াৰ (Ingrit Valencia) বিৰুদ্ধে নামিব। ভেলেন্সিয়া ২০১৬ চনত হোৱা ৰিঅ’ অলিম্পিকৰ ব্ৰঞ্জ মেডেলিষ্ট।

আজি কোৱাৰ্টা ফাইনেলত প্ৰৱেশ কৰা নিশ্চিত হোৱাৰ পিছতে মেৰীৰ গৃহ ৰাজ্য মণিপুৰৰ মুখ্য মন্ত্ৰী এন বীৰেন সিঙে টুইট কৰ কয়, “সমগ্ৰ দেশ তোমাৰ সৈতে আছে”।

Bravo @MangteC! @MangteC defeated Thailand's Jutmas Jitpong with a 5⃣-0⃣ score to move into the quarter-finals of the Women's World Boxing Championship at Ulan Ude in Russia. The whole country is with you.??? @KirenRijiju @narendramodi#PunchMeinHaiDum pic.twitter.com/8T44esMoKS

— N.Biren Singh (@NBirenSingh) October 8, 2019

টুইট কৰে দেশৰ ক্ৰীড়া আৰু যুৱ পৰিক্ৰমাৰ ৰাজ্যিক মন্ত্ৰী কিৰেন ৰিজিজুৱেও।

মেৰী কম ২০১২ চনৰ লণ্ডন অলিম্পিকৰ ব্ৰঞ্জ মেডেলিষ্ট আৰু মণিপুৰৰ পৰা ৰাজ্য সভাৰ সাংসদ।  ৩৬ বছৰীয়া মেৰী তিনিটা সন্তানৰ মাতৃ।

৩ অক্টোবৰৰ পৰা চলি থকা প্ৰতিযোগিতাখন ১৩ অক্টোবৰলৈকে চলিব।