অৰুণাচল প্ৰদেশৰ টিৰাপ জিলাৰ দেওমালীস্থিত বজাৰত দেওবাৰে পুৱতি নিশা সংঘটিত এক বিধ্বংসী অগ্নিকাণ্ডত ৬খনকৈ ব্যৱসায়িক প্ৰতিষ্ঠান ধ্বংসস্তূপত পৰিণত হোৱাৰ লগতে মৃত্যুমুখত পৰিছে এজন লোক।
পুৱতি নিশা প্ৰায় ৩:৩০ বজাত সংঘটিত ঘটনাটোত মৃত ব্যক্তিজন অসীম ঘোষ (৩৫ বছৰ) বুলি চিনাক্ত কৰা হৈছে।
অগ্নিকাণ্ড সম্পৰ্কে জিলা উপায়ুক্ত পি এন ঠুংগনয়ে তদন্তৰ নিৰ্দেশ দিয়াৰ লগতে ক্ষতিগ্ৰস্তসকলক তৎকালীনভাৱে এককালীন আৰ্থিক সাহায্য আগবঢ়াবলৈ নিৰ্দেশ দিছে ৰাজ্যখনৰ দুৰ্য্যোগ প্ৰশমন বিভাগক।
অঞ্চলটোত এটা অগ্নিনিৰ্বাপক কেন্দ্ৰ স্থাপন কৰিবলৈ চৰকাৰক দাবী জনাইছে স্থানীয় ৰাইজে।
অগ্নিনিৰ্বাপক ব্যৱস্থা নথকাৰ বাবেই টিৰাপ, দেওমালী আদি অঞ্চলত অগ্নিকাণ্ডৰ ঘটনা নিয়ন্ত্ৰণ কৰিব নোৱাৰাৰ ফলত ক্ষয়-ক্ষতিৰ পৰিমাণ অধিক হৈ আহিছে।
