৬ জনগোষ্ঠীক জনজাতিৰ মৰ্যদা প্ৰদান নকৰাৰ প্ৰতিবাদ তথা জনজাতিকৰণৰ নামত চৰম মিথ্যাচাৰেৰে কেন্দ্ৰীয় চৰকাৰ তথা ৰাজ্য চৰকাৰে ৬ জনগোষ্ঠীক জনজাতিকৰণ মৰ্যদা নিদিয়াৰ ক্ষোভত টীয়কৰ ৰাজপথত আজি পুনৰ জ্বলিল প্ৰধানমন্ত্ৰী আৰু মুখ্যমন্ত্ৰীৰ পুত্তলিকা।
আজি টীয়ক হাঁহচৰাত ৩৭ নং ৰাষ্ট্ৰীয় ঘাইপথৰ ওপৰত মটক যুৱ সন্মিলনে ভাতৃ সংগঠন আৰু মহিলা সংগঠনৰ সহযোগত দেশৰ প্ৰধানমন্ত্ৰী আৰু ৰাজ্যৰ মুখ্যমন্ত্ৰীৰ পুত্তলিকা দাহৰ কার্যসূচী গ্ৰহণ কৰে।
উক্ত কার্যসূচীত সন্মিলনৰ সভাপতি নবীন গগৈ , সম্পাদক হয়গ্ৰীৱ মাধৱ বৰুৱা, আকাশ চেতিয়া সহিতে প্ৰায় শতাধিক কৰ্মী উপস্থিত হৈ প্ৰতিবাদী কাৰ্যসূচী হাতত লয় লগতে অহা ২২ ছেপ্টেম্বৰত বিধান সভা ঘেৰাও আৰু ২৬ ছেপ্টেম্বৰ তাৰিখত অসম বন্ধৰ কাৰ্যসূচী ঘোষণা কৰে আৰু এই কাৰ্যসূচীসমূহত সদৌ অসমবাসীৰ সহযোগিতা কামনা কৰে।
