ককাক আৰু সম্পৰ্কীয় মোমায়েকৰ হাততে ধৰ্ষিতা হ’বলগা হয় এজনী ছয় বছৰীয়া ছোৱালী।
মধ্যপ্ৰদেশৰ ভূপালৰ কোলাৰ নামৰ ঠাইখনত সংঘটিত হৈছে এই গৰিহণাজনক ঘটনা।
ধৰ্ষণকাৰী ককাকজন আছিল ছোৱালীজনীৰৰ মাকৰ দেউতাক।
আৰক্ষীয়ে দুইজন ধৰ্ষণকাৰীকে আটক কৰিছে।
আৰক্ষীয়ে কয় যে ছোৱালীজনী তাইৰ মাক-দেউতাকৰ স’তে ভূপালৰ কাজলীখেদাৰ গোণ্ডীপাৰা অঞ্চলত বাস কৰে।
ঘটনাৰ বিৱৰণীমতে, ছোৱালীজনীয়ে তাইৰ তিনিবছৰীয়া ভায়েকক লগত লৈ সম্পৰ্কীয় মোমায়েক সঞ্জয়ৰ (২০)ৰ স’তে বজাৰ কৰিবলৈ যাও।
তাইৰ মাকে আৰক্ষীক জনোৱামতে, এসপ্তাহ পূৰ্বে সম্পৰ্কীয় মোমায়েকজন তেওঁলোকৰ ঘৰলৈ আহিছিল আৰু ল’ৰা-ছোৱালী দুটাক ফাষ্ট ফুড খোৱাবলৈ লৈ গৈছিল।
কিন্তু, সম্পৰ্কীয় মোমায়েকে ছোৱালীজনীক নিজৰ ঘৰলৈ লৈ যায়।
নি নিজৰ ভাগিনীয়েককে সি ধৰ্ষণ কৰে।
সেই সময়ত ছোৱালীজনীৰ ভায়েকো প্ৰত্যক্ষদৰ্শী হিচাপে উপস্থিত আছিল।
তাৰপাছত ৪৮ বছৰীয়া ককাকে নিজৰ নাতিনীয়েককে ধৰ্ষণ কৰে।
ককাকে ভয়-ভাবুকি প্ৰদান কৰা বাবে ছোৱালীজনীয়ে ঘটনাটো সম্পৰ্কে একো মুখ খোলা নাছিল।
তদুপৰি ককাক আৰু মোমায়েক- দুয়ো মিলি ছোৱালীজনীক মুখ বন্ধ ৰাখিবলৈ ২০ টকা এটা হাতত গুজি দিয়ে।
মাকে কয় যে তেওঁ এগৰাকী শ্ৰমিক আৰু কামৰ পৰা বৃহস্পতিবাৰে ঘূৰি আহোতে, ছোৱালীজনীক ভাৰাক্ৰান্ত অৱস্থাত দেখা পাইছিল।
যেতিয়া সোধা হয়, তেতিয়া সকলো কথা তাই ব্যক্ত কৰে।
