কিছুমান ব্যক্তিয়ে নিজৰ প্ৰতিভা আৰু কৃতিত্বৰ বাবেই সমাজত সফল হিচাপে পৰিগণিত হয়। তেনে এগৰাকী প্ৰেৰণাদায়ক ব্যক্তিত্ব হৈছে শ্ৰুষ্টি জয়ন্ত দেশমুখ, এগৰাকী আই এ এছ বিষয়া, যিগৰাকী ছ’চিয়েল মিডিয়াত ভাৰতৰ অন্যতম জনপ্ৰিয় চৰকাৰী কৰ্মচাৰী।
১৯৯৫ চনত জন্মগ্ৰহণ কৰা শ্ৰুষ্টি দেশমুখৰ ঘৰ মধ্যপ্ৰদেশৰ ভোপালৰ কস্তুৰবা নগৰত। শ্ৰুষ্টি দেশমুখৰ পিতৃ জয়ন্ত দেশমুখ এগৰাকী অভিযন্তা, আনহাতে মাতৃ সুনীতা দেশমুখ এগৰাকী শিক্ষয়িত্ৰী।
শ্ৰুষ্টি এগৰাকী মেধাৱী ছাত্ৰী আছিল আৰু ভোপালৰ BHEL ৰ Carmel Convent School ত অধ্যয়ন কৰি দ্বাদশ শ্ৰেণীৰ পৰীক্ষাত ৯৩.৪% নম্বৰ লাভ কৰি উত্তীৰ্ণ হৈছিল।
ভোপালৰ ৰাজীৱ গান্ধী ঔদ্যোগিক বিশ্ববিদ্যালয়ৰ পৰা কেমিকেল ইঞ্জিনিয়াৰিঙৰ স্নাতক দেশমুখে ইউপিএছচি (চিএছই) ২০১৮ত পঞ্চম স্থান লাভ কৰে।কোচিং অবিহনে প্ৰথমবাৰৰ বাবে ইউপিএছচি পৰীক্ষাত উত্তীৰ্ণ হোৱাৰ সময়ত শ্ৰুষ্টিৰ বয়স আছিল মাত্ৰ ২৩ বছৰ।
উল্লেখযোগ্য যে দেশমুখৰ বিবাহসম্পন্ন হৈছে তেওঁৰ বেচমেট ডাঃ নাগাৰ্জুন বি গৌড়াৰ সৈতে, যিজন পেছাত এজন আই এ এছ বিষয়া৷শ্ৰুষ্টি সম্প্ৰতি মধ্যপ্ৰদেশৰ নৰসিংপুৰ জিলাৰ গদৰৱাৰাৰ মহকুমাধিপতি (এছডিএম) হিচাপে কাৰ্যনিৰ্বাহ কৰি আছে। লাখ লাখ ফ’ল’ৱাৰৰ সৈতে শ্ৰুষ্টি জয়ন্ত দেশমুখ ছ’চিয়েল মিডিয়াত ভাৰতৰ আটাইতকৈ ফ’ল’ কৰা আই এ এছ বিষয়া হিচাপেও পৰিগণিত হৈছে।
