চিৰাং জিলাৰ বিজনী মহকুমা অন্তৰ্গত ভাংনামাৰী গাঁৱৰ ছাইদুৰ ৰহামান ছোৱালী আলিফা খাতুন এক জটিল ৰোগত আক্ৰান্ত হৈ মৃত্যুৰ সৈতে যুঁজি আছে।
আলিফা বি এইচ কলেজ, হাউলীৰ দৰ্শন বিভাগৰ স্নাতক মহলাৰ ছাত্ৰী।
জানিব দিয়া মতে যোৱা এবছৰ ধৰি এক দুৰাৰোগ্যত আক্ৰান্ত হৈ বিচনাতে ছটফটাইল আছে আলিফা।
বিভিন্ন ঠাইত চিকিৎসা বিধান লৈছে যদিও কোনো সুফল পোৱা নাই। বৰ্তমান তাইৰ অৱস্থা খুবেই সংকটজনক।
একমাত্ৰ দৰিদ্ৰতাৰ হেতু পিতৃ ছাইদুৰে উন্নত চিকিৎসাৰ বাবে বাহিৰলৈ নিব পৰা নাই আলিফাক।
উল্লেখ্য যে, আলিফাই দৰিদ্ৰতাৰ দেৱাল ভাঙি উচ্চতৰ মাধ্যমিক চূড়ান্ত পৰীক্ষাত ষ্টাৰ(৭৫%) নম্বৰ লাভেৰে প্ৰমাণ কৰি দিছিল যে মনোবলৰ ওচৰত দৰিদ্ৰতা হেঙাৰ হ’ব নোৱাৰে।
আজি সেই মেধাৱী ছাত্ৰীগৰাকীয়ে এবছৰে দুৰাৰোগ্য ৰোগত আক্ৰান্ত হৈ বিচনাত পৰি আছে। বৰ্তমান তাইৰ উন্নত চিকিৎসাৰ প্ৰয়োজন। পৰিয়ালৰ আৰ্থিক অৱস্থা শোচনীয়, যাৰ বাবে উন্নত চিকিৎসাৰ ব্যৱস্থা কৰিব পৰা নাই।
সেয়ে হৃদয়বান ব্যক্তি, চৰকাৰ তথা দল সংগঠন লৈ সহায়ৰ আহ্বান জনাইছে দুৰ্ভগীয়া পৰিয়ালটোৱে।
যদি কোনোবা হৃদয়ৱান ব্যক্তি, তাইৰ তথা পৰিয়ালৰ কাষ চাপে আৰু কিছু পৰিমাণে সহায়ৰ হাত আগবঢ়ায় তেন্তে আলিফা খাতুন পুনৰ সুস্থ হৈ উঠিব পাৰিব।
কোনো সদাশয় ব্যক্তিয়ে সহায় কৰিব বিচাৰিলে Saddam Hussain, A/C- 3968129003, IFSC- CBIN0282511ত আগবঢ়াব পৰিব। নাইবা মোবাইল নং ৮০১১৪৭৮০৪৯, ৬০০০৯৭৯০০৮ নম্বৰত যোগাযোগ কৰিব পাৰে।
