মিলিটাৰী ইঞ্জিনিয়াৰিং চাৰ্ভিচেছ (এম ই এছ)য়ে ৫০২টা পদত নিয়োগৰ বাবে উপযুক্ত অৰ্হতাসম্পন্ন প্ৰাৰ্থীৰ পৰা আবেদন বিচাৰিছে।
এমপ্লয়মেন্ট নিউজ পেপাৰত (যোৱা ২৭ ফেব্ৰুৱাৰিৰ পৰা ৫ মাৰ্চ সংখ্যা) ইয়াৰ সংক্ষিপ্ত বিজ্ঞাপন প্ৰকাশ পাইছে।
ভাৰত চৰকাৰৰ প্ৰতিৰক্ষা মন্ত্ৰ্যালয়ৰ অধীনত দিয়া হ’ব এই নিযুক্তি। চলিত মাহত প্ৰথম সপ্তাহতে মিলিটাৰী ইঞ্জিনিয়াৰিং চাৰ্ভিচেছৰ অফিচিয়েল ৱেবছাইট mes.gov.inত বিতং আবেদনৰ সৱিশেষ প্ৰকাশ কৰা হৈছে।
বিজ্ঞাপন অনুসৰি মিলিটাৰী ইঞ্জিনিয়াৰিং চাৰ্ভিচেছৰ ড্ৰাফটছমেন পদৰ সংখ্যা ৫২টা আৰু ছুপাৰভাইজাৰ পদৰ সংখ্যা ৪৫০টা।
ড্ৰাফটছমেন পদৰ বাবে যিকোনো স্বীকৃতিপ্ৰাপ্ত শিক্ষা প্ৰতিষ্ঠানৰ পৰা আৰ্কিট্ৰেকশ্যাৰেল এছিষ্টেন্টশ্বিপত তিনি বছৰীয়া ডিপ্ল’মা ধাৰী হ’ব লাগিব।
আনহাতে, ছুপাৰভাইজাৰ (বেৰেক এণ্ড ষ্ট’ৰ) পদৰ বাবে প্ৰাৰ্থী কলা বা বিজ্ঞানৰ ডিগ্ৰীধাৰী হ’ব লাগিব।
বয়সৰ ন্যুনতম সীমা ১৮বছৰ আৰু উৰ্ধ সীমা ২৭ বছৰ যদিও চৰকাৰী নিয়ম অনুসৰি সংৰক্ষিত শ্ৰেণীৰ প্ৰাৰ্থীসকলে ৰেহাই পাব।
মিলিটাৰী ইঞ্জিনিয়াৰিং চাৰ্ভিচেছৰ ড্ৰাফটছমেন আৰু ছুপাৰভাইজাৰ পদত মাহিলী দৰমহা ৯,৩০০টকাৰ পৰা ৩৪,৮০০টকা।
কেনেকৈ কৰিব আবেদন:-
ক) মিলিটাৰী ইঞ্জিনিয়াৰিং চাৰ্ভিচেছৰ অফিচিয়েল ৱেবছাইট mes.gov.inত যাব।
খ) বিজ্ঞাপনটো ভালদৰে পঢ়ি চাব আৰু তাৰপাছত নিৰ্দিষ্ট পেজলৈ গৈ তাত ৰেজিষ্টেশ্যন কৰি লগ-ইন কৰিব।
গ) উপযুক্ত নথি পত্ৰৰে সৈতে আবেদন পত্ৰ দাখিল কৰিব লাগিব।
আগ্ৰহী প্ৰাৰ্থীসকলক মিলিটাৰী ইঞ্জিনিয়াৰিং চাৰ্ভিচেছৰ অফিচিয়েল ৱেবছাইট mes.gov.inত গৈ সৱিশেষ চোৱাৰ পৰামৰ্শ দিয়া হৈছে।