বিশ্বৰ সৰ্ববৃহৎ গণতন্ত্ৰ ভাৰতবৰ্ষত ২০২৪ চনৰ লোকসভা নিৰ্বাচনৰ প্ৰস্তুতি চলি আছে। ১৯ এপ্ৰিলৰ পৰা ১ জুনলৈ ভোটগ্ৰহণ অনুষ্ঠিত হ’ব। ফেচবুকৰ মূল কোম্পানী মেটাই নিৰ্বাচনৰ প্ৰস্তুতি আৰম্ভ কৰিছে। নিৰ্বাচনৰ সময়ত ভুল তথ্য হ্ৰাস কৰাৰ পৰিকল্পনা কৰিছে সংস্থাটোৱে।
টাইমছ অফ ইণ্ডিয়াৰ প্ৰতিবেদন অনুসৰি ভাবুকি চিনাক্ত আৰু লাঘৱ কৰিবলৈ মেটাই ইণ্ডিয়া স্পেচিফিক ইলেকশ্যন অপাৰেছন চেন্টাৰক সক্ৰিয় কৰিব। মেটাই কয় যে তেওঁলোকৰ ৪০ হাজাৰ লোকে সমগ্ৰ বিশ্বতে নিৰাপত্তাৰ বাবে কাম কৰি আছে।
ভুল তথ্যৰ প্ৰসাৰ বন্ধ, নিৰ্বাচনী হস্তক্ষেপ অপসাৰণ আৰু স্বচ্ছতা বৃদ্ধিৰ বাবে চেষ্টা কৰিব বুলিও মেটাই কয়। ইয়াৰ দ্বাৰা মুক্ত আৰু নিকা নিৰ্বাচন অনুষ্ঠিত কৰাত সহায়ক হ’ব।
লগতে পঢ়কঃ আগুৱালে ২০২৪-ৰ NET PG পৰীক্ষা! কেতিয়া প্ৰৱেশ পৰীক্ষা? কেতিয়া প্ৰকাশ পাব ফলাফল?
কোম্পানীটোৱে কয় যে আমাৰ বিশ্বজুৰি প্ৰায় ৪০,০০০ লোকে নিৰাপত্তা নিশ্চিত কৰাৰ বাবে কাম কৰি আছে, আৰু ২০১৬ চনৰ পৰা আমি এই ক্ষেত্ৰত দল আৰু প্ৰযুক্তিৰ ক্ষেত্ৰত ২০ বিলিয়ন ডলাৰতকৈ অধিক বিনিয়োগ কৰিছো। ইয়াৰ ১৫,০০০ কন্টেন্ট পৰ্যালোচক আছে যিয়ে ২০টা ভাৰতীয় ভাষাকে ধৰি ৭০টাতকৈও অধিক ভাষাত সমগ্ৰ ফেচবুক, ইনষ্টাগ্ৰাম আৰু থ্ৰেডত কন্টেন্ট পৰ্যালোচনা কৰি আছে।
ইয়াৰ বাবে তেওঁলোকে ইণ্ডিয়া স্পেচিফিক ইলেকচন অপাৰেচন চেণ্টাৰ সক্ৰিয় কৰিব। ভাৰতৰ নিৰ্বাচনৰ বাবে এটা বিশেষ নিয়ন্ত্ৰণ কক্ষৰ সৃষ্টি কৰিব বুলি কৈছে মেটাই। এই নিয়ন্ত্ৰণ কক্ষত কোম্পানীটোৰ বহু জ্ঞানী ব্যক্তি যেনে চোৰাংচোৱাগিৰি বুজি পোৱা, ডাটা ছায়েন্টিষ্ট, অভিযন্তা, গৱেষক, পৰিচালক আৰু আইন আৰু বিষয়বস্তুৰ লগত জড়িত লোকসকলে একত্ৰিত হৈ নিৰ্বাচনৰ সময়ত উদ্ভৱ হোৱা সমস্যাসমূহ চিনাক্ত কৰিবলৈ চেষ্টা কৰিব। আৰু সেইবোৰ প্ৰতিৰোধ কৰাৰ উপায় বিচাৰি উলিয়াব।
মেটাই লগতে উল্লেখ কৰে যে ২০১৯ চনৰ পৰা ভাৰতীয় নিৰ্বাচন আয়োগৰ সৈতে ই স্বেচ্ছাসেৱী আচৰণ বিধিৰ অধীনত ঘনিষ্ঠভাৱে কাম কৰি আহিছে। এই সংহিতাৰ অধীনত নিৰ্বাচন আয়োগৰ যিকোনো ভুল তথ্য পোনপটীয়াকৈ মেটাক জনোৱাৰ অধিকাৰ আছে।
লগতে পঢ়কঃ ধুবুৰীত গ্ৰেপ্তাৰ আইছিছৰ দুই দুৰ্ধৰ্ষ উগ্ৰপন্থী; আছিল দেশৰ বিভিন্ন অঞ্চলত কূটাঘাতৰ পৰিকল্পনা
মেটাই দৰাচলতে কোনবোৰ বিষয়বস্তু আঁতৰাই পেলাব? মেটাই কয় যে ফেচবুক, ইনষ্টাগ্ৰাম আৰু থ্ৰেডছৰ পৰা “আটাইতকৈ ভুল আৰু বিভ্ৰান্তিকৰ” তথ্য আঁতৰাই পেলাব। এইবোৰ কথাই মানুহক ভোটদানৰ পৰা বা হিংসা বা ক্ষতিকাৰক বাতৰি চোৱাৰ পৰা আঁতৰাই ৰাখিব পাৰে। ইয়াৰ ভিতৰত এটা ধৰ্মৰ ব্যক্তিয়ে আন ধৰ্মৰ লোকক হাৰাশাস্তি বা আঘাত দিছে বুলি মিছা কথা প্ৰচাৰ কৰা লোককো অন্তৰ্ভুক্ত কৰা হৈছে।
