এতিয়াও দুৰ্ধৰ্ষ হৈ আছে নব্বৈ দশকৰ বিশ্বৰ কিংবদন্তী বক্সাৰ মাইক টাইচন।
আটিল পেশী তথা আকৰ্ষণীয় শৰীৰেৰে এতিয়াও পূৰ্ব দৰেই আক্ৰমণাত্মক হৈ আছে ৫৪ বৰ্ষীয় পূৰ্বৰ বিশ্ব হেভিৱেইট চেম্পিয়ন বক্সাৰ গৰাকী।
বুধবাৰে ফ্ল’ৰিডাৰ ‘এইডব্লিউ ডিনামাইট’ ৰেষ্টলিং ইভেণ্টত মাইক টাইচনে এক প্ৰচণ্ড ঘোচাৰে নক আউট কৰে কেচ হুইলাৰ নামৰ ফাইটাৰগৰাকীক।
Tonight in one of the BIGGEST matches EVER on #AEWDynamite & a #BloodAndGuts preview, @IamJericho picked up a win for the #InnerCircle over @DaxFTR, & @CashWheelerFTR found out that the Special Ringside Enforcer Iron @MikeTyson, is STILL the #BaddestManOnThePlanet! pic.twitter.com/UKzmTIJZcE
— All Elite Wrestling (@AEW) April 15, 2021
‘এইডব্লিউ ডিনামাইট’ ৰেষ্টলিং ইভেণ্টত দ্বিতীয় বাৰ উপস্থিত হোৱা আইৰণ মাইক নামেৰে খ্যাত মাইক টাইচনক ক্ৰিছ জেৰিকো আৰু ডেক্স হাৰউডৰ মাজৰ খেলখনত বিশেষ প্ৰৱৰ্তনকাৰীৰ ভূমিকাৰ দায়িত্ব দিয়া হৈছিল।
উল্লেখ্য যে উক্ত দায়িত্বপ্ৰাপ্ত মল্লযোদ্ধাই যুঁজৰ সময়ত মল্লযোদ্ধাসকলক অস্ত্ৰ বা অন্যান্য সা-সৰঞ্জাম ব্যৱহাৰ কৰাত বাধা দিয়ে।
টাইচনেও কেচ হুইলাৰক তেনেকৈ বাধা দিছিল। কিন্তু হুইলাৰে টাইনচৰ বাধাক আওকান কৰি আহিছিল আৰু টাইনচনে এটা প্ৰচণ্ড ঘোচাৰে হুইলাৰক ফ্ল’ৰত বগৰাই দিয়ে।
টাইচনে নকআউট কৰাৰ সময়ত হুইলাৰে হাতত বেচবলৰ ষ্টীক লৈ টাইচনক আক্ৰমণ কৰিবলৈ উদ্যত হোৱা দেখা গৈছিল।