আজি বিশ্বনাথৰ বিহালী ব্লকত বিশ্বনাথ চাৰিআলি বিদ্যুৎ উপ সংমণ্ডলৰ উদ্যোগত বিদ্যুৎ সুৰক্ষা সজাগতা, গ্ৰামীণ বিদ্যুতিকৰণ, বানপানীৰ সময়ত ল’বলগা সাৱধানতা আদি বিষয় সামৰি পঞ্চায়ত প্ৰতিনিধি সকলৰ সৈতে এখন সভা অনুষ্ঠিত কৰা হয়।
সভাত সভাপতিত্ব কৰে অসম চৰকাৰ মন্ত্ৰী তথা বিহালীৰ বিধায়ক ৰঞ্জিত দত্তই ।
তাৰোপৰি সভাত চাৰিআলি বিদ্যুৎ সংমণ্ডলৰ সহকাৰী মহা প্ৰবন্ধক অমৰজিত শৰ্মা, বিশ্বনাথৰ কাৰ্যবাহী দণ্ডাধীশ আবুল কালম, উপ সংমণ্ডল অভিযন্তা বিমান হালৈ উপস্থিত থাকে।
সভাত অমৰজিত শৰ্মাই বিদ্যুৎ সুৰক্ষাৰ ওপৰত বিশদভাৱে বৰ্ণনা আগবহায়।
উপসংমণ্ডল অভিযন্তা বিমান হালৈয়ে সভাৰ উদেশ্য বাখ্যা কৰাৰ লগতে গ্ৰামীণ বিদ্যুতীকৰণৰ খাতিয়ান দাঙি ধৰে।
লগতে এতিয়াও যিসকলে বিদ্যুৎ সংযোগ লাভ কৰা নাই তেখেত সকলৰ তথ্য পঞ্চায়ত প্ৰতিনিধি সকলক দিবলৈ অনুৰোধ জনায় ।
আনহাতে, মন্ত্ৰী ৰঞ্জিত দত্তই বাদ পৰিযোৱা প্ৰতি ঘৰতে যাতে বিদ্যুৎ সংযোগ হয় তাৰ তথ্য অতি সোনকালে দিবৰ বাবে প্ৰতিখন পঞ্চায়তৰ সভাপতিক নিৰ্দেশ দিয়ে।
সভাত উপস্থিত থাকে সুপ্ৰিয় চাংমাই, নিহৰিকা কোঁৱৰ, উৎপল শইকীয়া, প্ৰিতিপ্ৰঞ্জল বৰা, জিতু ডেকা আদি বিশিষ্ট ব্যক্তি সকল ।