কলিয়াবৰ মহকুমাৰ অন্তৰ্গত কলিয়াবৰত মিছা মিলন সংঘৰ উদ্যোগত মিছা হাইস্কুল খেলপথাৰত অনুষ্ঠিত গজেন্দ্ৰ নাথ বৰুৱা আৰু পুলিনা বৰুৱা সোঁৱৰণী চলন্ত কাপ ফুটবল প্ৰতিযোগিতাখনত দেওবাৰে মিছা আৰিয়ান ক্লাব বনাম চাৰিদুৱাৰ গাৰোগাওঁ ফুটবল একাদশৰ মাজত চূড়ান্ত খেলখন অনুষ্ঠিত হয়।
মিছা আৰিয়ান ক্লাবে নিৰ্ধাৰিত সময়ত অমীমাংসিতভাৱে সমাপ্ত হোৱা এই চূড়ান্ত খেলখনত ট্ৰাইব্ৰেকাৰৰ জৰিয়তে ৫-৪ গ’লৰ ব্যৱধানত গাৰোগাওঁ ফুটবল একাদশক পৰাস্ত কৰি বিজয়ৰ খিতাপ দখল কৰে।
কলিয়াবৰ সমষ্টিৰ বিধায়ক তথা অসম চৰকাৰৰ জলসম্পদ বিভাগৰ মন্ত্ৰী কেশৱ মহন্ত আৰু কলিয়াবৰ মহকুমাৰ মহকুমাধিপতি বিতোপন নেওগ উপস্থিত থাকি খেলখনৰ বঁটা সমূহ প্ৰদান কৰাৰ লগতে দুই দলৰ খেলুৱৈসকলক অনাগত দিনবোৰত আৰু অধিক ভালকৈ খেলি যাবলৈ উৎসাহ প্ৰদান কৰে।
আনহাতে, দৰ্শকৰ বিপুল সঁহাৰিৰ মাজত অনুষ্ঠিত এই উত্তেজনাপূৰ্ণ চূড়ান্ত ফুটবল খেলখন পৰিচালনা কৰে গুণীন তামুলী,সৰোজ কলিতা আৰু জাকিৰ আলিয়ে।
