অসমৰ এগৰাকী খ্যাতনামা পুতলা নাচৰ শিল্পী পৰিস্মিতা কলিতাই ৰঙালী বিহু উপলক্ষে প্ৰধান মন্ত্ৰী নৰেন্দ্ৰ মোদীৰ প্ৰতিৰূপ ব্যৱহাৰ কৰি এটা পুতলা নাচৰ ভিডিঅ’ প্ৰস্তুত কৰি উলিয়াইছে।
পুতলা নাচৰ ভিডিঅ’টোত যোৱা সোমবাৰে কোভিড-১৯ মহামাৰীৰ বাবে অহা ৩মে’লৈকে দ্বিতীয় পৰ্যায়ৰ লকডাউন ঘোষণা কৰি প্ৰধান মন্ত্ৰীয়ে ৰাষ্ট্ৰক উদ্দেশ্যি দিয়া ভাষণৰ প্ৰতিৰূপ দাঙি ধৰা হৈছে।
শিল্পীগৰাকীৰ মতে, ইয়াত ভাৰতকে ধৰি গোটেই বিশ্বকে গ্ৰাস কৰা কৰ’না ভাইৰাছ মহামাৰীৰ মোকাবিলা কৰাৰ ক্ষেত্ৰত প্ৰধান মন্ত্ৰী মোদীক তেওঁৰ দৃঢ় পদক্ষেপৰ বাবে তেওঁলৈ প্ৰশংসাসূচক বাৰ্তা তুলি ধৰা হৈছে।
পৰিস্মিতা কলিতাৰ মতে, পুতলা নাচৰ ভিডিঅ’টো তেওঁ, তেওঁৰ মাতৃ আৰু তেওঁৰ ভগ্নীয়ে মিলি নিৰ্মাণ কৰিছে।
সেওঁ সেই ভিডিঅ’টো প্ৰধান মন্ত্ৰীলৈ প্ৰেৰণ কৰাৰ পাছত পৰিস্মিতাই স্বয়ং প্ৰধান মন্ত্ৰীৰ পৰাও প্ৰশংসা লাভ কৰিছে।
ভিডিঅটো টুইটাৰত শ্বেয়াৰ কৰি প্ৰধান মন্ত্ৰীয়ে লিখিছে,’অত্যন্ত সৃষ্টিমূলক।‘
Sir @narendramodi, this is a small gesture of appreciation to you on the occasion of Bohag bihu. This puppet play is done by my mother who is a puppet artist, me and my younger sister
WARM REGARDS! pic.twitter.com/Lw9ONi0Lpz
— Parishmita Kalita (@Parishmita03) April 16, 2020
ইয়াৰ আগেয়ে প্ৰধান মন্ত্ৰী মোদীলৈ প্ৰেৰণ কৰা ভিডিঅ’টোত পৰিস্মিতাই কৈছে;
‘চাৰ @নৰেন্দ্ৰ মোদী, এইটো ব’হাগ বিহু উপলক্ষে আপোনালৈ প্ৰশংসাৰ এটা সামান্য প্ৰকাশভংগী। এই পুতলা নাচটো পুতলা নাচৰ এগৰাকী শিল্পী মোৰ মা, মই আৰু মোৰ ভগ্নীয়ে নিৰ্মাণ কৰিছো।‘
ভিডিঅটোত প্ৰধান মন্ত্ৰীৰ প্ৰতিৰূপটো দ্বিতীয়বাৰ কোভিড-১৯ৰ বাবে লকডাউন ঘোষণা কৰাৰ সময়ত ৰাষ্ট্ৰক উদ্দেশ্যি দিয়া ভাষণত মোদীয়ে পৰিধান কৰা পোছাকৰ প্ৰতিৰূপ ব্যৱহাৰ কৰা হৈছে।
তদুপৰি, সেইদিনা প্ৰধানমন্ত্ৰী মোদীয়ে দিয়া ভাষণকে বেকগ্ৰাউণ্ড ভইচ হিচাপে ব্যৱহাৰ কৰা হৈছে।