প্ৰাক্তন ভাৰতীয় ক্ৰিকেটাৰ মহম্মদ কাইফে ৰাম জনমভূমি-বাবৰি মছজিদ ভূমি বিবাদ গোচৰত উচ্চতম ন্যায়ালয়ে দিয়া ৰায়ক আদৰণি জনাই কয় যে “ভাৰতৰ ধাৰণা আন যিকোনো আদৰ্শতকৈ অধিক শক্তিশালী’’।
উচ্চতম ন্যায়ালয়ে শনিবাৰে এক ঐতিহাসিক ৰায় প্ৰদান কৰি গোটেই বিবাদিত ভূমিখিনি হিন্দুসকলক ৰাম মন্দিৰৰ বাবে দিয়ে আৰু মুছলমানসকলক বিকল্প ভূমি দিয়াৰ বাবে কেন্দ্ৰক নিৰ্দেশ দিয়ে।
এই সিদ্ধান্তৰ পাছতে কাইফে টুইটাৰত গৈ লিখিছে: ‘’এয়া কেবল ভাৰততহে সম্ভৱ। য’ত এগৰাকী ন্যায়াধীশ আব্দুল নাজিৰ এটা সৰ্বসন্মত সিদ্ধান্তৰ এক অংশ। আৰু কে কে মুহম্মদে ঐতিহসিক প্ৰমাণ আগবঢ়াইছে। ভাৰতৰ ধাৰণাটো আন সকলো আদৰ্শতকৈ অধিক শক্তিশালী। সকলোৱে সুখী হওক। মই শান্তি, প্ৰেম আৰু সম্প্ৰীতিৰ বাবে প্ৰাৰ্থনা কৰিছো।‘’
This can happen only in India.
Where a Justice Abdul Nazeer is a part of a unanimous verdict. And a KK Muhammed gives historical evidences. Idea of India is much bigger than any ideology can ever comprehend. May everyone be happy, I pray for peace,love & harmony #AYODHYAVERDICT— Mohammad Kaif (@MohammadKaif) November 9, 2019
প্ৰাক্তন ক্ৰিকেটাৰ গৰাকীয়ে টুইটাৰত ভাৰতৰ বৈচিত্ৰতা আৰু বিচাৰধাৰাৰ ভিন্নতাৰ মাজতো থকা একতাৰ কথা উল্লেখ কৰি আগবঢ়োৱা মন্তব্যই ছচিয়েল মিডিয়াত অজস্ৰজনৰ প্ৰশংসা লাভ কৰিছে।
মহম্মদ কাইফে টুইট কৰাৰ কেইঘন্টামানৰ ভিতৰতে প্ৰায় ৫হাজাৰ লোকে সেইটো ৰিটুইট কৰাৰ লগতে প্ৰায় ২৭ হাজাৰ লোকে সেয়া লাইক কৰিছে।
কাইফৰ পূৰ্বে অযোধ্যা গোচৰক লৈ উচ্চতম ন্যায়ালয়ে দিয়া ৰায়টোক লৈ বহু খেলুৱৈয়ে দিয়া টুইটকো অজস্ৰজনে প্ৰশংসাৰে উপচাই পেলাইছে।
কাইফে ভাৰতৰ হৈ খেলি ১২৫খন আন্তৰ্জাতিক এদিনীয়াত ২,৭৫৩ৰাণ সংগ্ৰহ কৰিছে।