লকডাউনৰ মাজতে এগৰাকী গৃহকৰ্মীয়ে গৃহস্থৰ দুই জোঁৱায়েকৰ সৈতে মিলি মৃত মালিক তথা শহুৰেকৰ এটিএম কাৰ্ড চুৰি কৰি ৩৫ লক্ষাধিক টকা উলিয়াই নিয়ে।
ঘটনাটো সংঘটিত হৈছে কলকলতাৰ যাদৱপুৰত।
ঘটনাৰ বিৱৰণীৰ মতে যাদৱপুৰৰ শ্বাহ ৰোডৰ বাসিন্দা সত্যৰায়াণ আগৰৱালাৰ ঘৰত বিগত সাত বছৰে গৃহকৰ্মীৰূপে কৰ্মৰত আছিল ৰীতা ৰায় নামৰ এগৰাকী মহিলা। ৰীতা ৰায়ে বৃদ্ধ সত্যনাৰায়ণ আগৰৱালাক চোৱাচিতা কৰি আহিছিল।
কিন্তু চলিত মাহৰ জানুৱাৰী মাহত সত্যনাৰায়ণ আগৰৱালাৰ মৃত্যু হোৱাত আগৰৱালাৰ পুত্ৰ অনুৰাগ আগৰৱালাই ৰীতা ৰায়ক কামৰ পৰা অব্যাহতি দিয়ে।
ইয়াৰ পিছৰ পৰাই অনুৰাগ আগৰৱালাই লক্ষ্য কৰে যে পিতৃৰ এটা বেচৰকাৰী বেংক একাউন্টৰ পৰা মাজে মাজে কোনোবাই ধন উলিয়াই থাকে। এইদৰে তিনি মাহৰ মাজতে প্ৰায় ৩৫ লক্ষাধিক টকা দেউতাকৰ একাউন্টৰ পৰা কোনোবাই উলিয়াই নিয়ে।
তাৰ পিছতে সন্দেহ হোৱাত অনুৰাগ আগৰৱালাই বেংক কৰ্তৃপক্ষৰ সৈতে যোগাযোগ কৰে আৰু বেংকৰ তথ্যত ধৰা পৰে যে একাউন্টটোৰ পৰা ইতিমধ্যে ৩৫ লক্ষাধিক টকা উলিয়াই নিয়া হৈছে।
বেংকৰ তথ্যপাতিৰ আধাৰত অনুৰাগ আগৰৱালাই আৰক্ষী থানাত এক গোচৰ ৰুজু কৰে।
আৰক্ষীয়ে বেংকৰ তথ্যৰ ভিত্তিত তদন্ত আৰম্ভ কৰে আৰু চহৰৰ তিনি ঠাইৰ যিকেইটা এটিএমৰ পৰা ধন উলিওৱা হৈছিল তাৰ চিচিটিভি ফুটেজ পৰীক্ষা কৰে।
চিচিটিভিৰ ফুটেজত দুজন লোকে মাস্ক আৰু টুপী পিন্ধি ধন উলিওৱাৰ দৃশ্য ধৰা পৰে।
এই ফুটেজ আৰু স্থানীয় অঞ্চলৰ লোকৰ সৈতে আৰক্ষীৰ চোৰাংচোৱাই অনুসন্ধান কৰি পতিয়ন যায় যে এটিএমৰ পৰা ধন উলিওৱা ব্যক্তি দুজন মৃত সত্যনাৰায়ণ আগৰৱালাৰ জোঁৰায়েক ৰঞ্জিত মল্লিক আৰু সৌমিত্ৰ চৰকাৰ।
ইতিমধ্য সত্যনাৰায়ণ আগৰৱালাৰ দুই জোঁৰায়েকক আৰক্ষীয়ে গ্ৰেপ্তাৰ কৰিছে আৰু জেৰাত স্বীকাৰ কৰিছে যে গৃহকৰ্মী ৰীতা ৰায়ে আগৰৱলাৰ এখন এটিএম কাৰ্ড চুৰি কৰি তেওঁলোকৰ হাতত তুলি দিছিল।
আৰক্ষীয়ে ৰীতা ৰায়কো গ্ৰেপ্তাৰ কৰি জেইল হাজোতলৈ প্ৰেৰণ কৰিছে।
আৰক্ষীয়ে তেওঁলোকৰ পৰা ২৭ লক্ষ টকা উদ্ধাৰ কৰিছে আৰু বাকী ধনখিনি খৰচ হোৱা বুলি জানিবলৈ দিছে তিনি ধন চোৰে।
