সংশোধিত ৱাকফ আইনৰ বিৰুদ্ধে দেশৰ বিভিন্ন প্ৰান্তত প্ৰতিবাদী কাৰ্যসূচী গ্ৰহণ কৰিছে। এই বিতৰ্কিত আইন খনৰ বিৰুদ্ধে মুৰ্ছিদাবাদৰ প্ৰতিবাদে হিংসাত্মক ৰূপ ধাৰণ কৰে। ইতিমধ্যে ২০০ৰো অধিক লোকক গ্ৰেপ্তাৰ কৰা হৈছে আৰু বহু এফআইআৰ পঞ্জীয়ন কৰা হৈছে বুলি জানিব পৰা গৈছে। মুৰ্ছিদাবাদৰ পৰিস্থিতি সন্দৰ্ভতো উচ্চতম ন্যায়ালয়ে এক বিবৃতি প্ৰকাশ কৰিছে।
জানিব পৰা মতে, উচ্চতম ন্যায়ালয়ৰ অধিবক্তা শশংক শেখৰ ঝাই সোমবাৰে মুৰ্ছিদাবাদত এই গোচৰ ৰুজু কৰিছে। আৱেদনখনত উল্লেখ কৰা হৈছে যে কেৱল কলকাতা উচ্চ ন্যায়ালয়েই নহয়, উচ্চতম ন্যায়ালয়েও সাধাৰণ মানুহৰ জীৱন ৰক্ষাৰ ক্ষেত্ৰত গুৰুত্ব দিব লাগে। ইতিমধ্যে উচ্চ ন্যায়ালয়ৰ নিৰ্দেশত কেন্দ্ৰীয় বাহিনীয়ে মুৰ্ছিদাবাদত শান্তি ঘূৰাই আনিছে। এনে পৰিস্থিতিত অধিবক্তা শশাংক শেখৰ ঝাই উচ্চতম ন্যায়ালয়ৰ তত্বাৱধানত তদন্তৰ বাবে এখন বিচাৰপীঠ গঠনৰ দাবীত এখন আৱেদন দাখিল কৰিছে। এই আবেদন সন্দৰ্ভত এতিয়াও উচ্চতম ন্যায়ালয়ে কোনো ব্যৱস্থা গ্ৰহণ কৰা নাই।
ৱাকফ আইনৰ প্ৰতিবাদত যোৱা শুকুৰবাৰৰ পৰা মুৰ্ছিদাবাদৰ চুটি আৰু সমশ্বেৰগঞ্জকে ধৰি কেইবাটাও অঞ্চলত সংঘৰ্ষৰ সৃষ্টি হৈছে। যদিও পৰিস্থিতি ওপৰত নিয়ন্ত্ৰণ লাভ কৰিছে। কিন্তু আতংক এতিয়াও অব্যাহত আছে। লগতে উচ্চতম ন্যায়ালয়ত অশান্তি ৰোধ কৰাৰ লগতে জীৱন-সম্পত্তিৰ সুৰক্ষাৰ বাবেও আবেদন জনাইছে। এই আবেদন সন্দৰ্ভত উচ্চতম ন্যায়ালয়ে কি সিদ্ধান্ত গ্ৰহণ কৰে সেয়া লক্ষ্যণীয় হ’ব।
উল্লেখ্য যে প্ৰাৰম্ভিক খবৰ অনুসৰি বাংলাদেশী অনুপ্ৰৱেশকাৰীসকল প্ৰত্যক্ষভাৱে এই মুৰ্ছিদাবাদৰ হিংসাৰ সৈতে জড়িত বুলি কেন্দ্ৰীয় গৃহ মন্ত্ৰালয়ে সূত্ৰই সদৰী কৰিছে।
