ম্যানমাৰৰ নিৰাপত্তা বাহিনীৰ কেইবাজনো সদস্যই আত্মসমৰ্পণ কৰিছে বা আটক হৈছে বুলি বুধবাৰে এটা বিদ্ৰোহী সংগঠনে সদৰী কৰে।
ম্যানমাৰৰ পশ্চিম অঞ্চলৰ ৰাজ্য ৰাখাইনত থকা এটা জনগোষ্ঠীয় সশস্ত্ৰ বিদ্ৰোহী সংগঠন আৰাকান আৰ্মীয়ে প্ৰকাশ কৰা অনুসৰি কমেও ২৮ জন আৰক্ষীয়ে অস্ত্ৰসহ আত্মসমৰ্পণ কৰিছে। আনহাতে, ১০ জন সেনা জোৱানক গ্ৰেপ্তাৰ কৰা হৈছে। এই সংগঠনটোৱে দীৰ্ঘদিন ধৰি ৰাজ্যখনত স্বায়ত্তশাসনৰ দাবী জনাই আহিছে।
অৱশ্যে আৰাকান সেনাই দাবী কৰা তথ্যসমূহ স্বতন্ত্ৰভাৱে পৰীক্ষা কৰিব নোৱাৰিলে পৰা হোৱা নাই। আন্তৰ্জাতিক সংবাদ সংস্থাৰ বাতৰিতো এই তথ্য প্ৰকাশ পাইছে।
লগতে পঢ়কঃ ঘৰত কোনো নথকাৰ সুযোগ লৈ ধৰ্ষণৰ চেষ্টা; অভিযুক্তৰ যৌনাংগ কাটি লৈ থানাত উপস্থিত যুৱতী!
ইপিনে, ৰাজ্যখনৰ ৰাজধানী ছিট্টৱেত বলবৎ হৈছে সান্ধ্য আইন। স্থানীয় প্ৰশাসনৰ সূত্ৰ অনুসৰি চহৰখনত সামৰিক টেংক টহল দি আছে।
২০২১ চনত আং ছান ছু কিৰ নিৰ্বাচিত চৰকাৰক উৎখাত কৰা সামৰিক অভ্যুত্থানত ক্ষমতা দখল কৰাৰ পিছত ম্যানমাৰৰ জুন্টা সম্প্ৰতি কঠিন সময়ৰ মাজেৰে পাৰ হৈছে।
যোৱা অক্টোবৰৰ পৰা আৰাকান আৰ্মীকে ধৰি তিনিটা জনগোষ্ঠীয় সংখ্যালঘু বিদ্ৰোহী সংগঠনে দেশৰ বিভিন্ন প্ৰান্তত জুন্টা বাহিনীৰ সৈতে যুঁজ দি আহিছে। তেওঁলোকে কিছুমান চহৰ আৰু সামৰিক চকীও দখল কৰা বুলিও দাবী কৰিছে।
লগতে পঢ়কঃছেমি নহয় ছামি ফাইনেল! বিশ্বকাপৰ নক আউটত ছামিৰ সৰ্বকালৰ শ্ৰেষ্ঠ বলিং; ভংগ গেৰীৰ ৪৮ বছৰীয়া অভিলেখ
জুন্টাৰ মুখপাত্ৰ জে মিন টুনে মঙলবাৰে অভিযোগ কৰে যে বিদ্ৰোহী গোটসমূহে “গোটেই দেশখন ধ্বংস কৰি আছে”। আৰু তেওঁলোকে সামৰিক চকীসমূহ দখল কৰিছে বুলি কৰা দাবীটো ‘এক অপপ্ৰচাৰ’।
মুখপাত্ৰগৰাকীয়ে লগতে কয় যে ৰাখাইন, শ্বান আৰু কয়াহ ৰাজ্যত যুদ্ধ চলি আছে। অৱশ্যে জুন্টা বাহিনীৰ আত্মসমৰ্পণৰ সন্দৰ্ভত তেওঁ কোনো মন্তব্য নকৰিলে।
আনহাতে দেশখনৰ চীন ৰাজ্যতো সংঘৰ্ষৰ খবৰ পোৱা গৈছে। তাৰ পৰা ৪৩ জন ম্যানমাৰৰ জোৱান সীমান্ত পাৰ হৈ ভাৰতৰ মিজোৰামত প্ৰৱেশ কৰি থকা অৱস্থাত ধৰা পৰে।
লগতে পঢ়কঃশচীনৰ বিৰাট-বন্দনা! প্ৰথম দৰ্শনত ভৰি চুইছিল, হাঁহি ৰখাব পৰা নাছিলো; একেবাৰে অন্তৰ চুই গ’ল
নাম প্ৰকাশ নকৰাৰ চৰ্তত ভাৰতীয় নিৰাপত্তাৰক্ষী বাহিনীৰ এগৰাকী বিষয়াই কয় যে বন্দী ম্যানমাৰৰ অধিকাংশ জোৱানক সীমান্তৰ আন এটা স্থানত ভাৰতীয় বাহিনীয়ে ম্যানমাৰ কৰ্তৃপক্ষক গতাই দিছে।
