শিৱসাগৰ চহৰৰ সমীপৰ কালুগাঁৱৰ ২ নং শলগুৰি গাঁওত সংঘটিত হৈছে এক শোকাবহ ঘটনা। পুৱা পাঁচবজাত পাছফালৰ পুখুৰীত উদ্ধাৰ হৈছে চাৰিবছৰীয়া ছোৱালীৰ মৃতদেহ।
পুৱা পুখুৰীত উপঙি থকা অৱস্থাত পেহীয়েকে গা ধুবলৈ গৈ প্ৰত্যক্ষ কৰে ভতিজী ত্ৰিদিশা নাথৰ মৃতদেহটো।
ৰহস্যজনকভাৱে এই পৰ্যন্ত অন্তৰ্ধান শিশুটিৰ মাতৃ জোনালী নাথ। যাৰ বাবে এতিয়া ৰহস্য অধিক ঘণীভূত হৈ পৰিছে ঘটনাটো। ইপিনে, পুখুৰীৰ পাৰত উদ্ধাৰ হয় মাতৃ জোনালী নাথৰ চেন্দেল যোৰ।
বৰ্তমান মৰণোত্তৰ পৰীক্ষাৰ বাবে শিৱসাগৰ অসামৰিক চিকিৎসালয়লৈ প্ৰেৰণ কৰা হৈছে মৃতদেহটো।
ঘটনাস্থলীত শিৱসাগৰৰ উচ্চপদস্থ আৰক্ষী বিষয়া উপস্থিত হৈ তদন্ত অব্যাহত ৰাখিছে।
পৰিয়ালৰ অভিযোগ মতে ঘটনা সংঘটিত কৰি মাতৃয়ে ৰাতিয়েই পলায়ন কৰে।
