বিধানসভাৰ নিৰ্বাচনৰ ভোটগ্ৰহণলৈ মাজত মাথো আৰু কেইটামান দিন বাকী। অহা ২৭ মাৰ্চত উজনি অসমৰ ৪৭ টা সমষ্টিত প্ৰথম পৰ্যায়ৰ ভোটগ্ৰহণ অনুষ্ঠিত হ’ব।
উজনিৰ অসমত ভোটগ্ৰহণলৈ মাজত মাথো দুটা দিন বাকী থকা অৱস্থাত নামনি অসমতো নিৰ্বাচনী বতাহ গৰম হোৱা পৰিলক্ষিত হৈছে।
নিৰ্বাচনৰ এই গৰম বতাহৰ মাজতে নামনি অসমৰ কেবাটাও সমষ্টিত মহাজোঁটৰ এআইয়ুডিএফৰ প্ৰাৰ্থী হৈ নিৰ্বাচনী প্ৰচাৰ চলাই সাংসদ বদৰুদ্দিন আজমলে কয় প্ৰধানন্ত্ৰী নৰেন্দ্ৰ মোদী, কেন্দ্ৰীয় গৃহমন্ত্ৰী অমিত শ্বাহ আৰু অসমৰ মন্ত্ৰী হিমন্ত বিশ্ব শৰ্মাই কেৱল বৰদৰুদ্দিন আজমলকহে ভয় কৰে।
এআইয়ুডিএফ প্ৰধান তথা সাংসদ বদৰুদ্দিন আজমলে কটাক্ষ কৰি কয় যে অসমৰ যিকোনো সমস্যাৰ সমাধানৰ কথা ক’লেই ভয়তে তেওঁলোকে মুখত লয় কেৱল বদৰুদ্দিন আজমলৰ নাম।
“আমি কওঁ মূল্যবৃদ্ধি ৰোধ কৰিছে নেকি? বোলে বদৰুদ্দিন আজমল, আমি কওঁ এনআৰচিৰ সমস্যাৰ সমাধান কৰিছে নেকি? বোলে বদৰুদ্দিন আজমল, কিমান নিৱনুৱাক চাকৰি দিলে? বোলে বদৰুদ্দিন আজমল, কা’ৰ সমস্যা সমধান কৰিছে? বোলে বদৰুদ্দিন আজমল, আমি কওঁ ডি ভোটাৰৰ সমস্যা সমাধান কৰিছে? বোলে বদৰুদ্দিন আজমল।” আজমলে এইদৰে তীব্ৰভাৱে কটাক্ষ কৰে কেন্দ্ৰীয় চৰকাৰৰ লগতে ৰাজ্য চৰকাৰক।
ইফালে মহাজোঁটৰ চৰকাৰে ৫ বছৰত ৫ লাখ নিৱনুৱাক চাকৰি দি’ব বুলিও দাবী কৰে আজমলে। আনকি প্ৰতিগৰাকী মহিলাক ২ হাজাৰ টকাকৈ বেংক একাউণ্টত জমা কৰি দিয়া হ’ব বুলিও মন্তব্য কৰে তেওঁ।
এইবাৰ মহাজোঁটৰ চৰকাৰ হ’ব বুলি দাবী কৰি ৰাইজৰ বাবেই স্কুল, কলেজ, মেডিকেল কলেজ, ইউনিৰ্ভাচিটি বনাই ৰাইজৰ সেৱা আগবঢ়াইছে বুলিও ভোটাৰক উদেশ্য কৰি মন্তব্য কৰে আজমলে।
ছোনীয়া গান্ধী, ৰাহুল গান্ধী, প্ৰিয়ংকা গান্ধী, ৰিপুণ বৰা, ৰকিবুল হুছেইন আৰু হাগ্ৰামা মহিলাৰী তেওৰ লগত আছে বুলিও তাৎপৰ্যপূৰ্ণ মন্তব্য কৰে সাংসদ আজমলে।
