ৰাষ্ট্ৰীয় সেউজ ন্যায়াধিকৰণে ৰাজধানী দিল্লীকে ধৰি প্ৰদূষণৰ কৱলত পৰা দেশৰ সকলো চহৰ-মহানগৰত কোভিড-১৯ মহামাৰী অন্ত পৰা বুলি ঘোষণা নকৰা পৰ্যন্ত ফটকা-আতছবাজীৰ বিক্ৰী আৰু ব্যৱহাৰত নিষেধাজ্ঞা আৰোপ কৰিছে।
ৰাষ্ট্ৰীয় সেউজ ন্যায়াধিকৰণে বুধবাৰে নতুনকৈ এই নিৰ্দেশনা জাৰি কৰে।
ৰাষ্ট্ৰীয় সেউজ ন্যায়াধিকৰণৰ নিৰ্দেশনাটোত প্ৰদূষণৰ মাত্ৰা মধ্যমীয়া স্তৰত থকা চহৰবোৰত বৰদিনত সেউজ আতছ-বাজী ব্যৱহাৰ কৰিব পাৰিব বুলি উল্লেখ কৰা হৈছে।
অৱশ্য জিলা কৰ্তৃপক্ষক নিৰ্দিষ্ট অঞ্চলসমূহত যাতে কোনো কাৰণতে প্ৰদূষণ সৃষ্টিকাৰী আতছ-বাজী ব্যৱহাৰ কৰা নহয় সেই সম্পৰ্কে কঠোৰ দৃষ্টি ৰখাৰ বাবে সেউজ ন্যায়াধিকৰণে নিৰ্দেশনাযোগে আহ্বান জনাইছে।
ইয়াৰ পূৰ্বেও দীপাৱলীৰ সময়তো ৰাষ্ট্ৰীয় সেউজ ন্যায়াধিকৰণে দেশৰ বিভিন্ন ৰাজ্যত ফটকা আৰু আতছ-বাজীৰ বিক্ৰী আৰু ব্যৱহাৰৰ ক্ষেত্ৰত নিষেধাজ্ঞা আৰোপ কৰিছিল।
উত্তৰ-পূবৰ মিজোৰামৰ লগতে বহু কেইখন ৰাজ্যত ইতিমধ্যেই কোভিডৰ সংক্ৰমণৰ প্ৰতি লক্ষ্য ৰাখি বৰদিনৰ সময়ত ফটকাৰ ব্যৱহাৰ আৰু বিক্ৰী নিষিদ্ধ কৰা হৈছে।
