বিশ্ব স্বাস্থ্য সংস্থাৰ ঔষধ নিৰ্মাণৰ গুণগত মান ৰক্ষা কৰা নাই ৰামদেৱে। নেপালৰ ঔষধ নিয়ন্ত্ৰক কৰ্তৃপক্ষৰ পৰীক্ষাত ওলাই পৰিল এই ভয়ংকৰ তথ্য। গুণগত মান নথকাকৈয়ে ৰোগীৰ বাবে ঔষধ নিৰ্মাণ কৰি আছিল যোগগুৰু হিচাপে খ্যাত ভাৰতীয় ঔষধ ব্যৱসায়ী ৰামকৃষ্ণ যাদৱ ওৰফে ৰামদেৱে।
লগতে পঢ়কঃ জাতীয় নায়কৰ পৰা বৰ্ণবাদৰ চিকাৰলৈ: বিশ্বকাপত পৰাজয়ৰ পাছতে বৰ্ণবাদীৰ ৰোষত ফৰাচী খেলুৱৈ
নেপালৰ ঔষধ নিয়ন্ত্ৰক কৰ্তৃপক্ষই গুণগত মান নথকাৰ বাবে ৰামদেৱৰ পতঞ্জলি সামগ্ৰী নিৰ্মাণ কৰা দিব্যা ফাৰ্মাচীক নেপালত ব্লেক লিষ্টড কৰি দিয়ে। দিব্যা ফাৰ্মাচীকে ধৰি আন ১৬ টা ঔষধ নিৰ্মাণ কোম্পানীকো তদ্ৰুপ কাৰণত বন্ধ কৰি দিয়ে নেপাল ঔষধ নিয়ন্ত্ৰক কৰ্তৃপক্ষই।
নেপালত ১৮ ডিচেম্বৰত জাৰি কৰা এক জাননীত ঔষধ প্ৰশাসন বিভাগে এই ঔষধ সমূহ যোগান ধৰা স্থানীয় এজেণ্টক সামগ্ৰীবোৰ প্ৰত্যাহাৰ কৰিবলৈ নিৰ্দেশ দিয়ে। এই নিৰ্দেশ অনুসৰি দিব্যা ফাৰ্চামীকে ধৰি আন ১৮ টা কোম্পানীয়ে নিৰ্মাণ কৰা ঔষধ নেপালত বিতৰণ কৰিব নোৱাৰিব।
লগতে পঢ়কঃ ধৰ্ষণৰ গোচৰত চিনেমা পৰিচালক হাৰ্ভি : প্ৰমাণিত হ’ল অপৰাধ
উল্লেখ্য যে, এপ্ৰিল আৰু জুলাই মাহত ভাৰতলৈ এটা দল পঠিয়াইছিল যিয়ে নেপাললৈ ঔষধ যোগান ধৰা কোম্পানীবোৰৰ পৰীক্ষা কৰিছিল। এই পৰীক্ষাতে ওলাই পৰে যে পতঞ্জলিৰ বেছিভাগ ঔষধৰেই গুণগত আৰু চিকিৎসাসন্মত মান তেনেই নিম্ন।
লগতে পঢ়কঃ চুলি ষ্ট্ৰেইট কৰে নেকি ? নকৰিব।
দিব্যা ফাৰ্মাচীৰ উপৰিও ব্লেকলিষ্ট হোৱা তালিকাখনত আছে আন বহুকেইটা ভাৰতীয় ঔষধ নিৰ্মাণ কোম্পানী।
নেপালৰ ঔষধ নিয়ন্ত্ৰণ বিভাগটোৱে ১৯ ডিচেম্বৰত জাৰি কৰা আন এখন জাননীত ভাৰতৰ গ্লোবেল হেলথ কেয়াৰৰ দ্বাৰা নিৰ্মিত ৫০০ মিলিলিটাৰ আৰু ৫-লিটাৰ হেণ্ড চেনিটাইজাৰ প্ৰত্যাহাৰ কৰিবলৈ নিৰ্দেশ দিয়ে। কাৰণ হেলথ কেয়াৰ হাস্পাতালে নিৰ্মাণ কৰা এই চেনিটাইজাৰ সমূহৰো গুণগত মান তেনেই নিম্ন।
লগতে পঢ়কঃ ৰাজনীতি বিদায়! শিক্ষকতাত যোগদান কৰিব প্ৰাক্তন ব্ৰিটিছ প্ৰধানমন্ত্ৰী ডেভিদ কেমেৰুনে
