উত্তৰ পূব সীমান্ত ৰেলৱেৰ তিনিচুকীয়া মণ্ডলে আজি ১৮ ডিচেম্বৰ মঙলবাৰে ৰে’লগাড়ীৰ ভিতৰত কৰ্তব্যৰত ৰে’ল টিকট পৰীক্ষকসকলৈ হেণ্ড হেল্ড টাৰ্মিনেল যোগান ধৰিছে।
উল্লেখ্য যে ভাৰতীয় ৰে’লে চলন্ত গাড়ীত টিকট পৰীক্ষাৰ ক্ষেত্ৰত অধিত স্বচ্চতা অনাৰ বাবে এই হেণ্ড হেল্ড টাৰ্মিনেল ব্যৱস্থা প্ৰৱৰ্তন কৰিছে। ডিব্ৰুগড়ৰ পৰা যাত্ৰা কৰিবলগীয়া ১২৪২৩ ৰাজধানী এক্সপ্ৰেছৰ টিকট পৰীক্ষকসকলক প্ৰথমে এই এই হেণ্ড হেল্ড টাৰ্মিনেল প্ৰদান কৰা হ’ব। এটা ছেটত প্ৰায় ২৫,০০০ টকা ব্যয়সাপেক্ষ এই টেবলেটটোৰ সহায়ত টিকট পৰীক্ষকসকলে জিপিআৰএছৰ সহায়ত ৰীয়েল সময়ৰ যাত্ৰী সংৰক্ষণ ব্যৱস্থাৰ তথ্য অৱগত হ’ব পাৰিব আৰু আসনৰ বাবে অপেক্ষাৰত যাত্ৰীক পৰৱৰ্তী ষ্টেশ্যনত খালী আসন আৱণ্টন দিব পাৰিব।
ইয়াৰ ফলত আৰএচি আৰু ৱেটিং লিষ্টত যাত্ৰা কৰা যাত্ৰীসকলে নিশ্চিত আসন লাব কৰাত সহায়ক হ’ব বুলি এনএফ ৰে’লৱেৰ মুখ্য জনসম্পৰ্কৰক্ষী বিষয়া প্ৰণব জ্যোতি শৰ্মাই জনাইছে।
ইয়ে ৰে’লযাত্ৰ অধিক আৰামদায়ক আৰু জঞ্জাল-বিহীন কৰি তুলিব। এই হেণ্ড হেল্ড টাৰ্মিনেলৰ পৰা আৱ্টন দিয়া অসনৰ তথ্য এই হেণ্ড হেল্ড টাৰ্মিনেল এপ্লিকেশ্যন ছাৰ্ভাৰলৈ প্ৰেৰণ কৰা হ’ব আৰু ইয়াক পিআৰএছ টাৰ্মিনেল আৰু ৱেবছাইটৰ জৰিয়তে চাব পৰা হ’ব লগতে ৱেটিংলিষ্টত থকা যাত্ৰীৰ তথ্য কোচিং ৰিফাণ্ড ছিষ্টেমলৈ প্ৰেৰণ কৰা হ’ব।
ইয়াৰ ফলত মেনুৱেল একচেপশ্যন ডাটা ৰিপ’ৰ্টৰ প্ৰস্তুতি পৰ্ব লুপ্ত হ’বদ্ৰুতভাৱে ৰিফাণ্ড লাব কৰিব। এইটো আহিলাত যাত্ৰীৰ অকুপেঞ্চি চাৰ্ট চাব পৰা যাব। ইয়ে কোনো যাত্ৰীয়ে ৰেলযাত্ৰা কৰিব নোৱাৰিলে অথবা তালিকাখন প্ৰস্তুতিৰ পূৰ্বে কেঞ্চেল কৰিলে ইয়াক উপযোগ কৰাত ৰে’লৱেক সহায় কৰিব।
এই পদক্ষেপটো পৰিৱেশ বান্ধৱ হ’ব আৰু ইয়ে টন টন কাগজ অপব্যয় কৰা আৰু প্ৰতিটো ষ্টেশ্যনতে তালিকা মানুহক নিয়োজিত কৰাৰ পৰা ৰে’লৱেক সকাহ দিব।ইয়াৰ ফলত চলন্ত ৰে’লৰ পৰা পৰৱৰ্তী চাম টিকট পৰীক্ষকক হাতেৰে ছপা তালিকা দিয়া দিয়া ব্যৱস্থাটোও নোহোৱা হ’ব।
এই হেণ্ড হেল্ড টাৰ্মিনেলৰ বৈশিষ্টসমূহ হৈছে (১) ই জিপিআৰএছৰ দ্বাৰা উৎসৰ আৰু বৰ্তমানৰ তালিকা ডাউনলোড কৰিব পাৰে (২) ই দূৰত থকা ৰে’লগাড়ীৰ তালিকাও জিপিআৰএছৰ জৰিয়তে ডাউনল’ড কৰিব পাৰে, (৩) তালিকাকৰণৰ পাছত কেঞ্চেল কৰা যাত্ৰীৰ তালিকা প্ৰস্থান সময়ৰ পৰা প্ৰতি ঘণ্টাত ডাউনল’ড কৰিব পাৰে (৪) যিকোনো ডবাতেই ই যাত্ৰীৰ উপস্থিতি চিহ্নিত কৰিব পাৰে (৫) ষ্টেটাছ আপগ্ৰেড, ক্লাছ আপগ্ৰেড/ডাউনগ্ৰেড আৰু বাৰ্থ সলনি কৰিব পাৰে (৬) এই আহিলাটোৱে যাত্ৰীৰ কাগজৰ সংৰক্ষণ তালিকা ব্যৱস্থাৰ অৱসান ঘটাব যাত্ৰীসকলৰ ইলেক্ট্ৰনিক সংৰক্ষণ তালিকা প্ৰৱৰ্তন কৰিব।