বিশ্বৰ কোটি কোটি শিশু আৰু বহু ক্ষেত্ৰত ডাঙৰৰ মাজতো অতি জনপ্ৰিয় কাৰ্টুন ছিৰিজ Doraemon ৰ দুই প্ৰধান চৰিত্ৰ নবিটা আৰু ছিজুকা।
কাৰ্টুন ছবিত এই চৰিত্ৰ দুটাৰ মাজত সৰুৰে পৰা এক বুজাব নোৱাৰ আত্মীক সম্পৰ্কক ফুটাই তোলা হৈ আহিছে।
কেতিয়াবা নবিটা-ছিজুকাৰ সম্পৰ্কক বন্ধুত্বৰ সম্পৰ্ক হিচাবে দেখুওৱা হৈছে, কেতিয়াবা আকৌ তেওঁলোকক প্ৰেমিক-প্ৰেমিকাৰ দৰেই উপস্থাপনৰ চেষ্টা কৰা হৈছে।
তথাপি কাৰ্টুন ছিৰিজটো উপভোগ কৰি থকা সকলৰ বাবে নবিটা-ছিজুকাৰ সম্পৰ্ক প্ৰেম নে কেৱল বন্ধুত্ব তাকেলৈ সাঁথৰৰ সৃষ্টি হৈ আহিছে।
নবিটাই সদায় কিবা নহয় কিবা নতুন কাম কৰি ছিজুকাৰ হৃদয় জয় কৰিবলৈ চেষ্টা কৰে।
Nobita and Shizuka to get married in the upcoming movie "Stand by me doraemon 2" pic.twitter.com/xCZhUyGjDY
— Brishbhaan Kharwar (@brishbhaan) January 20, 2021
বহুতৰে মনত নবিটা-ছিজুকাৰ সম্পৰ্ককলৈ সৃষ্টি হোৱা সাঁথৰৰ উত্তৰ অৱশেষত পোৱা গ’ল।
নবিটা-ছিজুকাৰ বিয়া হৈ গ’ল।
খবৰটোৱে এতিয়া নেটিজেন আৰু Doraemon প্ৰিয় সকলৰ মাজত আনন্দৰ জোৱাৰ তুলিছে।
দৰাচলতে শেহতীয়াকৈ নিৰ্মাণ হোৱা Stand by Me Doraemon 2 নামৰ ছবিখনত নবিটা-ছিজুকাৰ সুখৰ সংসাৰ খন গঢ়ি দিয়া হৈছে।
২০২০ চনৰ নৱেম্বৰ মাহতে জাপানত মুক্তি লাভ কৰা Stand by Me Doraemon 2 ছবি খনত নবিটা-ছিজুকাৰ বিয়া হোৱা দেখুওৱা হৈছে।
Stand by Me Doraemon 2 ছবি খন ২০১৪ চনত নিৰ্মিত Stand by Me Doraemon ছবি খনৰ দ্বিতীয় সংস্কৰণ।
Stand by Me Doraemon 2 ছবি খনে অহা মাহত বিশ্বৰ বিভিন্ন দেশত মুক্তি লাভ কৰিব।
