উত্তৰ-পূব ভাৰতৰ ৰাজনীতিত এক বৃহৎ পৰিৱৰ্তনৰ ইংগিত! বিজেপিৰ মিত্ৰজোঁটৰ ক্ষুদ্ৰ অংশীদাৰসকলে হিমন্ত বিশ্ব শৰ্মাৰ নেতৃত্বত অনাস্থা প্ৰকাশ কৰি বিজেপিৰ পৰা আঁতৰি আহিছে। বিকল্প মঞ্চ হিচাপে ত্ৰিপুৰাৰ ৰজা প্ৰদ্যোৎ মাণিক্য দেববৰ্মাৰ নেতৃত্বত ‘ওৱান নৰ্থইষ্ট’ গঠন কৰা হৈছে। বৃহস্পতিবাৰে বিজেপি শাসিত ত্ৰিপুৰাত এই মিত্ৰজোঁটৰ শক্তি পৰীক্ষা হৈ যায়।
উত্তৰ-পূর্বাঞ্চলৰ জনজাতীয় জনগোষ্ঠীৰ প্রতিনিধি আৰু মেঘালয়ৰ মুখ্যমন্ত্রীৰ সৈতে টিপ্ৰা মথাই আগৰতলাৰ বিবেকানন্দ ময়দানত তেওঁলোকৰ উপস্থিতিৰ কথা ঘোষণা কৰে৷ প্ৰদ্যোৎ কিশোৰে অভিযোগ কৰে, “বিজেপিয়ে নিজৰ মিত্ৰ দলকে দুৰ্বল কৰি দিয়ে। ঠিক যেনেকৈ শিৱসেনা আৰু আন কিছুমান আঞ্চলিক দলক কৰিছে।”
বৃহস্পতিবাৰৰ ওৱান নৰ্থইষ্ট একতা ৰেলীত মেঘালয়ৰ মুখ্যমন্ত্ৰী কনৰাড চাংমা, নাগালেণ্ডৰ প্ৰাক্তন মন্ত্ৰী এম এম হনলুমো কিকান, মণিপুৰৰ নেতা আৰ কে মেগান আৰু উত্তৰ-পূবৰ কেইবাজনো জনজাতীয় নেতা উপস্থিত থাকে।
প্ৰদ্যোৎ কিশোৰ দেববৰ্মাই কয় যে যদিও বৰ্তমান জনজাতিসকলৰ আৰ্থিক অৱস্থা সংকটপূৰ্ণ, তথাপিও তেওঁলোকৰ মাজত যুঁজিবলৈ শক্তি আৰু সাহস আছে। আজি জনজাতিসকলৰ হাতত টকা নাই, কিন্তু তেওঁলোকৰ আত্মবিশ্বাস আছে। ওৱান নৰ্থইষ্ট মঞ্চ জনজাতিসকলৰ বাবে এখন শক্তিশালী মঞ্চ। এদিন বৃহত্তৰ টিপ্ৰালেণ্ডৰ দাবী নিশ্চিতভাৱে কাৰ্যকৰী হ’ব।
ৰাষ্ট্ৰীয় ৰাজনৈতিক দলে জনজাতিসকলক যথাযথ মূল্য নিদিয়ে বুলিও তেওঁ অভিযোগ উত্থাপন কৰে। বহু আঞ্চলিক দলে লোভ বা স্বাৰ্থৰ বাবে ৰাষ্ট্ৰীয় দলৰ সৈতে মিত্ৰতা কৰে যদিও পিছলৈ সেই আঞ্চলিক দলসমূহ ৰাজনৈতিকভাৱে বিলীন কৰি দিয়া হয়।
তেওঁ কয়, “আই পি এফ টিয়ে টিপ্ৰা মাথাৰ সৈতে কান্ধত কান্ধ মিলাই যুঁজিব লাগে। বুবাগ্ৰাৰ সৈতে একত্ৰিত হ’লেহে জনজাতীয়সকলৰ স্বাৰ্থ সুৰক্ষিত হ’ব পাৰে। আমি যদি অকলে যুঁজ দিওঁ তেন্তে শিৱসেনা, অসম গণ পৰিষদ, বডোলেণ্ড পিপলছ ফ্ৰণ্ট বা বিভিন্ন ৰাজ্যৰ আন আঞ্চলিক দলৰ দৰে আমাক নিঃশেষ কৰি পেলোৱা হ’ব।” গতিকে ওৱান নৰ্থইষ্ট মঞ্চৰ জৰিয়তে জনজাতীয় ৰাইজে একত্ৰিত হৈ নিজৰ অধিকাৰ অৰ্জনৰ বাবে মাত মাতিব লাগিব। কাৰণ, ঐক্যই শক্তি।”
