“ভাৰতৰ চাহ চহৰ” হিচাপে বিখ্যাত ডিব্ৰুগড়ত উত্তৰ-পূবৰ প্ৰথম চাহ সংগ্ৰহালয় স্থাপন কৰা হ’ব। ২০২৩ চনৰ প্ৰথমাৰ্ধত ডিব্ৰুগড়ৰ চাহ সংগ্ৰহালয় ৰাইজৰ বাবে মুকলি কৰা হ’ব।
আজি ডিব্ৰুগড়ৰ অসম পৰ্যটন উন্নয়ন নিগম লিমিটেডৰ (AITDC) অধ্যক্ষ ৰিতুপৰ্ণ বৰায়ে এই বিষয়ে অৱগত কৰে।
বৰুৱাই কয় যে প্ৰকল্পটোৰ প্ৰথম পৰ্যায়ত প্ৰায় ৯০ শতাংশ কাম সম্পূৰ্ণ হৈছে।
লক্ষণীয়ভাৱে প্ৰকল্পটোৰ প্ৰথম পৰ্যায়ৰ বাবে উত্তৰ-পূব পৰিষদ (NEC) আৰু অসম চৰকাৰে ৩.১৪ কোটি টকা মঞ্জুৰ কৰিছিল।
ডিব্ৰুগড়ত চাহ সংগ্ৰহালয় নিৰ্মাণৰ প্ৰস্তাৱটো ২০১৬ চনত অসম পৰ্যটন বিভাগে অনুমোদন জনাইছিল।
উচ্চাভিলাষী প্ৰকল্পটোৰ কাম ২০১৭ চনৰ আৰম্ভণিতে আৰম্ভ হৈছিল।
প্ৰকল্পটোৰ দ্বিতীয় পৰ্যায়ৰ বাবে NEC – এ অগ্ৰাধিকাৰৰ ভিত্তিত ৪০ কোটি টকাৰ অনুমোদন জনাইছে বুলি বৰুৱাই লগতে কয়।
দ্বিতীয় পৰ্যায়ত সংগ্ৰহালয় চৌহদটোৰ ভিতৰত এটা প্ৰেক্ষাগৃহ, এখন মডেল চাহ বাগিচা আৰু এটা চাহ কাৰখানা নিৰ্মাণ কৰা হ’ব আৰু এই প্ৰকল্প ২.৬৬ একৰ ভূমিত বিস্তৃত হ’ব।