আৰক্ষীৰ গুলীত নিহত হৈছে গুৱাহাটীৰ পল্টন বজাৰৰ ডকাইতি কাণ্ডৰ প্ৰধান অভিযুক্ত তাইজুদ্দিন।
চিপাঝাৰ আৰক্ষীয়ে গুলীয়াই হত্যা কৰিছে ডকাইতজনক। আৰক্ষী সূত্ৰই প্ৰকাশ কৰা মতে ডকাইতি কাণ্ডত জৰিত তাইজুদ্দিনক চিপাঝাৰৰ ঘৰত লুকুৱাই ৰখা ধন দেখুৱাই দিবলৈ আৰক্ষীয়ে লৈ গৈছিল।
তাইজুদ্দিনৰ ঘৰৰ পৰা আৰক্ষীয়ে ৬০ হাজাৰ টকা উদ্ধাৰ কৰে।
অভিযান চলি থকা সময়তে তাইজুদ্দিনে ঘৰত লুকুৱাই ৰখা পিষ্টেলেৰে আৰক্ষীক আক্ৰমণ কৰিবলৈ উদ্যত হয়। তেনে সময়তে আৰক্ষীয়ে গুলীচালনা কৰাত তাইজুদ্দিনৰ মৃত্যু ঘটে।
ইপিনে ডকাইতি কাণ্ডত জৰিত আন চাৰিজন ডকাইতক দক্ষিণ শালমাৰাৰ মানকাচৰত আৰক্ষীয়ে গ্ৰেপ্তাৰ কৰি আজি গুৱাহাটীলৈ আনি আছে। উল্লেখ্য
মহানগৰীৰ পল্টন বজাৰৰকিৰণশ্ৰী ৰেচিডেন্সিত প্ৰৱেশ কৰি পাঁচ দুৰ্বৃত্তৰ দলে ৪ এপ্ৰিলত দিন দুপৰতে ডকাইতি কৰাৰ ঘটনাই তীব্ৰ চাঞ্চল্যৰ সৃষ্টি কৰিছিল।
বাসগৃহটোৰ চাৰি নং মহলাৰ গৌতম চাজেৰ, সঞ্জু চাজেৰ আৰু বিমলা চাজেৰৰ বাসগৃহত ডকাইতৰ দলটোৱে লুটপাত চলাইছিল।
পাঁচজনীয়া দুৰ্বৃত্তৰ দলটোৱে অস্ত্ৰ দেখুৱাই লুটি নিছিল প্ৰায় ২০ লাখ টকা।
ডকাইতিৰ সময়ত বাসগৃহটোত আছিল দুগৰাকী মহিলা আৰু তেওঁলোকৰ সন্তান ।
দুৰ্বৃত্তই চোকা অস্ত্ৰ দেখুৱাই মহিলাকেইগৰাকীৰ পৰা লৈ গৈছিল পিন্ধি থকা সোণৰ অলংকাৰ আৰু নগদ ধন।