সাহিত্য চৰ্চাৰ যোগেদিয়েই উঠি অহা প্ৰজন্মই অসম তথা উত্তৰ-পূৰ্বাঞ্চলক উজলাই তুলিব: পদ্মশ্ৰী য়েছে দৰজে ঠংচি

কাকজান মহাবিদ্যালয়ৰ ইংৰাজী বিভাগৰ ইংলিছ ষ্টাডীজ এণ্ড লিটাৰেৰী ফ’ৰাম আৰু অসমীয়া বিভাগৰ আখৰা ঘৰৰ উদ্যোগত শনিবাৰে কাকজান মহাবিদ্যালয়ৰ প্ৰেক্ষাগৃহত এটি মত বিনিময় অনুষ্ঠান অনুষ্ঠিত হয়। উক্ত অনুষ্ঠানত মুখ্য বক্তা হিচাপে উপস্থিত থাকে অসমৰ স্বনামধন্য সাহিত্যিক পদ্মশ্ৰী য়েছে দৰজে ঠংচি।

মহাবিদ্যালয়ৰ ইংৰাজী বিভাগৰ অধ্যাপক তুফেল জিলানীয়ে আঁতধৰা এই বক্তৃতা অনুষ্ঠানত মহাবিদ্যালয়ৰ অধ্যক্ষা ড০ ৰূপৰেখা বৰদলৈ, উপাধ্যক্ষা ড০ বিজয়লক্ষ্মী নেওগ, ইংৰাজী বিভাগৰ মুৰব্বী ড০ পংকজ গোস্বামী, অসমীয়া বিভাগৰ মুৰব্বী অধ্যাপকৰ লগতে শৈক্ষিক উপাধ্যক্ষ মৃদুল গগৈ উপস্থিত থাকি মঞ্চৰ শোভা বৃদ্ধি কৰে।

লগতে পঢ়ক: “কাক প্ৰতাৰণা কৰিছে?”: হিমন্ত বিশ্ব শৰ্মাৰ পুৰণি টুইটেৰে প্ৰধানমন্ত্ৰী মোদীক সাৱধানবাণী কংগ্ৰেছ নেতাৰ

উক্ত অনুষ্ঠানত বিশিষ্ট সাহিত্যিকগৰাকীয়ে উপস্থিত শিক্ষক-কৰ্মচাৰী তথা ছাত্ৰ-ছাত্ৰীসকলৰ লগত তেওঁ জীৱনৰ বিভিন্ন অভিজ্ঞতাসমূহ সদৰী কৰাৰ লগতে ছাত্ৰ-ছাত্ৰী সকলক সাহিত্য চৰ্চাৰ ক্ষেত্ৰত আগবাঢ়ি যাবলৈ বিভিন্ন পৰামৰ্শ আগবঢ়ায়।

সাহিত্য চৰ্চাৰ যোগেদিয়েই উঠি অহা প্ৰজন্মই অসম তথা উত্তৰ-পূৰ্বাঞ্চলক উজলাই তুলিব পাৰিব বুলি আশা প্ৰকাশ কৰে বিশিষ্ট সাহিত্যিকগৰাকীয়ে।

ইপিনে, সাংবাদিকৰ সৈতে হোৱা এক সাক্ষাতত সাহিত্য সভাৰ সভাপতি পদ সম্পৰ্কে কৰা প্ৰশ্নৰ উত্তৰত সাহিত্যগৰাকীয়ে কয় যে কোনো জাতীয় অনুষ্ঠানে কাৰো সকলো আশা পুৰণ কৰিব নোৱাৰে, প্ৰত্যকৰে একো একোটা নিদিষ্ট পৰিধি থাকে। সেয়ে কাম কৰাৰ ক্ষেত্ৰত হয়তো কেতিয়াবা বাধাৰ সৃষ্টি হয়।

লগতে পঢ়ক: সাংবাদিক বনজিৎ ঠাকুৰীয়াক আৰক্ষীয়ে কৰা নিৰ্যাতনক তীব্ৰ গৰিহণা ডি ৱাই এফ আইৰ

অৱশ্য ইতিমধ্যে সাহিত্য সভাই বিগত দিনবোৰত অসমৰ হৈ নিজৰ দ্বায়িত্ব সুচাৰুৰূপে পালন কৰি আহিছে আৰু অনাগত দিনসমূহতো সাহিত্য সভাৰ দীৰ্ঘদিনীয়া যাত্ৰাত অজানিতে ৰৈ যোৱা ভুল ত্ৰুটিসমূহ পৰ্যালোচনা কৰি ন ৰূপেৰে আগুৱাই নিবলৈ চেষ্টা চলোৱা হ’ব বুলি মন্তব্য কৰে বিশিষ্ট সাহিত্যিকগৰাকীয়ে।