বাংলাদেশৰ প্ৰতিযশা সংগীতজ্ঞ সনজীদা খাতুন আৰু লেফটেণ্ট কৰ্নেল কাজী সাজ্জাদ আলী বীৰপ্ৰতীকক ভাৰত চৰকাৰৰ তৰফৰ পৰা পদ্মশ্ৰী সন্মানৰ বাবে নিৰ্বাচিত কৰা হয়।
বাংলাদেশ স্থিত ভাৰতীয় দূতাৱাশৰ কাৰ্য্যালয়ৰ তৰফৰ পৰা বাংলাদেশ চৰকাৰক এই কথা জনোৱা হয়।
বাংলাদেশৰ সংগীতজগতৰ মহীৰূহ সনজীদা খাতুন একেধাৰে ৰবীন্দ্ৰ সংগীতৰ সাধক, লেখক, গৱেষক আৰু সংগঠক।
ভাৰত চৰকাৰৰ তৰফৰ পৰা পদ্মশ্ৰী সন্মান লাভ কৰাৰ পূৰ্বে সনজীদা খাতুনে বাংলাদেশৰ তৰফৰ পৰা বাংলা একাডেমি সাহিত্য পুৰস্কাৰ লগতে বিভিন্ন সন্মান লাভ কৰিবলৈ সক্ষম হৈছিল।
আনহাতে, লেফটেনেণ্ট কৰ্নেল কাজী সাজ্জাদ আলী জাহিৰ বাংলাদেশৰ স্বাধীনতা আন্দোলনৰ এগৰাকী বীৰ সেনানী।
বাংলাদেশৰ মুক্তি যুদ্ধলৈ আগবঢ়োৱা অৱদানৰ বাবে বাংলাদেশ চৰাকৰে তেওঁলৈ বীৰপ্ৰতীক খিতাপ আগবঢ়ায়।
কাজী সাজ্জাদ আলী জাহিৰে তিনিবাৰকৈ পাকিস্তানৰ তৰফৰ পৰা মৃত্যুদণ্ডৰো ভাবুকি লাভ কৰিছিল।
কাজী সাজ্জাদ আলীৰ পৰিয়ালৰ লোকৰ ওপৰতে পাকিস্তানী সেনাই যথেষ্টা অত্যাচাৰ সংঘটিত কৰিছিল।
