হাজাৰ হাজাৰ পাকিস্তানী ভিক্ষাৰীৰে ভৰি পৰিছে চৌদি আৰৱ। এই সকলো ভিক্ষাৰী দল হজ্জৰ নামত আৰবত প্ৰৱেশ কৰিছে। এই ঘটনাত অতিশয় ক্ষুব্ধ হৈ পৰা ছৌদি আৰবে পাকিস্তানলৈ এখন কঠোৰ চিঠি প্ৰেৰণ কৰে। তীৰ্থযাত্ৰীৰ নামত ভিক্ষাৰী পঠোৱা এই প্ৰক্ৰিয়াটো পাকিস্তানে অনতিপলমে বন্ধ কৰিব লাগে বুলি জনোৱা হৈছে। অন্যথা কঠোৰ ব্যৱস্থা ল’বলৈ বাধ্য হ’ব।
এই সন্দৰ্ভত যোৱা মঙলবাৰে পাকিস্তানৰ সংবাদ মাধ্যমত প্ৰকাশ পাইছিল এক প্ৰতিবেদন। য’ত কোৱা হৈছে যে চৌদি আৰৱৰ হজ মন্ত্ৰালয়ৰ হৈ পাকিস্তানৰ ধৰ্মীয় পৰিক্ৰমা মন্ত্ৰালয়লৈ এখন পত্ৰ প্ৰেৰণ কৰা হৈছে। য’ত স্পষ্টকৈ কোৱা হৈছে, পাকিস্তানে উমৰা ভিছা ব্যৱহাৰ কৰি ভিক্ষাৰী পঠোৱা বন্ধ কৰিব লাগে। অন্যথা অনাগত দিনত পাকিস্তানৰ নাগৰিকে ছৌদিলৈ হজলৈ যাবলৈ সমস্যাৰ সন্মুখীন হ’ব লাগিব। সূত্ৰৰ মতে, ছৌদি আৰৱৰ পৰা অহা চিঠিখনৰ পাছত পাকিস্তানে ভিক্ষাৰী সমস্যাৰ মোকাবিলা কৰিবলৈ দেশখনত আইন অনাৰ কথা চিন্তা কৰিবলৈ আৰম্ভ কৰিছে। সাধাৰণতে পাকিস্তানৰ কেইবাটাও পৰ্যটন কোম্পানীয়ে নিজৰ নাগৰিকক উমৰা কৰিবলৈ পঠিয়াই দিয়ে। এতিয়া চৰকাৰে পোনপটীয়াকৈ আইনৰ অধীনলৈ অনাৰ পৰিকল্পনা কৰিছে।
চৌদি আৰবে চলিত বৰ্ষৰ মে’ মাহত হজৰ সময়ত ভিক্ষাৰ সমস্যা ৰোধৰ বাবে ফাতোৱা জাৰি কৰিছিল। য’ত কোৱা হৈছে যে তেওঁলোকক অনুমতি অবিহনে হজ কৰিবলৈ দেশলৈ আহিবলৈ দিয়া নহ’ব। কোনোবাই অবৈধভাৱে আহিলে ১০ হাজাৰ ৰিয়াল জৰিমনা বিহা হ’ব। ভাৰতীয় মুদ্ৰাত সেয়া প্ৰায় ২ লাখ ২২ হাজাৰ টকা। আৰু যিকোনো ব্যক্তিক অবৈধভাৱে প্ৰৱেশ কৰিলে তৎক্ষণাত দেশলৈ ঘূৰাই পঠিওৱা হ’ব।
মন কৰিব যে যোৱা বছৰ এটা আন্তঃৰাষ্ট্ৰীয় প্ৰতিবেদন প্ৰকাশ পাইছিল। দাবী কৰা হৈছে যে বহিঃৰাজ্যত গ্ৰেপ্তাৰ হোৱা ভিক্ষাৰীসকলৰ ৯০ শতাংশই পাকিস্তানী নাগৰিক। কেৱল সেয়াই নহয়, মক্কাৰ মছজিদ এলেকাত ধৰা পৰা পকেটৰ অধিকাংশই পাকিস্তানৰ। এই সমস্যা বছৰ বছৰ ধৰি চলি আহিছে। পাকিস্তানেও স্বীকাৰ কৰিছে যে এই সন্দৰ্ভত অসংখ্য অভিযোগ পোৱা গৈছে। ইয়াৰ পূৰ্বে পাকিস্তানৰ স্বৰাজ মন্ত্ৰী মহছিন নাকৱীয়ে পাকিস্তানত থকা চৌদি আৰৱৰ ৰাষ্ট্ৰদূত নৱাফ বিন চৈয়দ আহমেদ আল-মালকীৰ সৈতে একমুখী বৈঠকত মিলিত হৈছিল। য’ত পাকিস্তানে চৌদি আৰৱক আশ্বাস দিছে যে তেওঁলোকে এই ভিক্ষাৰী পঠোৱা মাফিয়াৰ বিৰুদ্ধে ব্যৱস্থা ল’ব।
