অৰুণাচল প্ৰদেশৰ এজন চলচ্চিত্ৰ নিৰ্মাতাৰ সৈতে প্ৰেমৰ সম্পৰ্কক পূৰ্ণতা দি বিবাহপাশত আৱদ্ধ হৈছে এগৰাকী পাকিস্তানী অভিনেত্ৰী। নাম তেওঁৰ মাদিহা ইমাম।
অৰুণাচল প্ৰদেশৰ চলচ্চিত্ৰ নিৰ্মাতা মোজি বাছাৰৰ সৈতে বিবাহপাশত আৱদ্ধ হৈছে ইমাম। অৱশ্যে চলিত বৰ্ষৰ ১ মে’ত বিবাহপাশত আৱদ্ধ হৈছিল দুয়ো।
তথাপিও বাছাৰৰ গৃহ চহৰ অৰুণাচল প্ৰদেশ ভ্ৰমণৰ সময়তে তেওঁলোকে পুনৰ এবাৰ বিবাহৰ আনুষ্ঠানিকতা সম্পন্ন কৰাৰ সিদ্ধান্ত লয়।
কেন্দ্ৰীয় মন্ত্ৰী কিৰেন ৰিজিজু আৰু অৰুণাচল প্ৰদেশৰ উপ মুখ্যমন্ত্ৰী চৌনা মেইন উপস্থিত থাকে মাদিহা আৰু বাছাৰৰ বিবাহ অনুষ্ঠানত।
অৰুণাচল প্ৰদেশৰ মুখ্যমন্ত্ৰী পেমা খাণ্ডুৱেও দম্পতীহালৰ বিবাহৰ আতিথ্য অনুষ্ঠানত অংশগ্ৰহণ কৰে।
Madiha Imam and husband Moji Basar sway hearts with a delightful dance performance at their wedding reception hosted by her in-laws in India. 💃#staywoke #wokebycaptial #madihaimam #mojibasar #dance pic.twitter.com/IvK3JWZSCD
— WOKE by Capital (@WOKEbyCapital) November 29, 2023
উল্লেখ্য যে পাকিস্তানৰ এগৰাকী জনপ্ৰিয় অভিনেত্ৰী মাদিহা ইমামে কেইবাখনো পাকিস্তানী টিভি ধাৰাবাহিকৰ লগতে বলীউডৰ ছবি ‘ডিয়েৰ মায়া’ত অভিনয় কৰিছে।
আনহাতে, অৰুণাচল প্ৰদেশৰ যুৱক মোজি বাছাৰে ‘দ্য ছিক’ আৰু ‘লুকা চুপ্পী’ৰ দৰে ছবিৰ সহকাৰী পৰিচালক হিচাপে কাম কৰিছে।
