ক’ৰ’নাতংকৰ মাজতে ধৰিত্ৰী দিৱস উপলক্ষে পাপনে মুক্তি দিলে এটা নতুন অসমীয়া গান

অসমৰ জনপ্ৰিয় বলিউদ কণ্ঠীশিল্পী অংগৰাগ পাপন মহন্তই আন্তৰাষ্ট্ৰীয় ধৰিত্ৰী দিৱসৰ দিনাই মুক্তি দিছে পাৰ হ’ব সেই সময় শীৰ্ষক এটি নতুন অসমীয়া গীত।

ক’ৰ’নাতংকৰ বাবে দেশজুৰি অব্যাহত ল’কডাউনৰ বাবে নিজ গৃহতে আৱদ্ধ হৈ থকা শিল্পীগৰাকীৰ লক্ষ লক্ষ অনুৰাগীক এই নতুন গীতটোৱে মনোৰঞ্জন দিয়াৰ লগতে নতুন আশাৰ ৰেঙনিয়ো দিব বুলি আশা কৰা হৈছে।

নিজৰ ইউটিউভ চেনেলত মুক্তি দিয়া গীটোৱে বৰ্তমানলৈকে ১৬,৫০০  হাজাৰো অধিক ভিউৱাৰ্ছ লাভ কৰিছে। অন্য দুটামান ইউটিউভ চেনেলতো গীতটো উপলব্ধ হৈছে।

“এই গীতটো মই সৃষ্টি কৰিছো, ময়ে গাইছো আনকি ল’কডাউনৰ মাজতে মই নিজেই শ্বুটিং কৰিছো।” জনপ্ৰিয় শিল্পীগৰাকীয়ে এইদৰে কয়।

Hello everyone! It was lovely watching the premiere of my new song with you all❤️ For the rest who didn’t catch it live, here is the link to my new self made video and song during lockdown. ThisTooShallPass.Please Share the song. Please share positivity! ??https://t.co/eYoDnbeMsm

— papon angaraag (@paponmusic) April 22, 2020

উল্লেখ্য যে ক’ৰ’নাতংকৰ বাবে দেশজুৰি অব্যাহত থকা ল’কডাউনৰ বাবে গীতটোৰ শ্বুটিং ঘৰৰ ভিতৰতে কৰা হৈছে।

ল’কডাউনৰ মাজতে অনলাইন যোগে পাপনে অনুষ্ঠিত কৰা তিনিদিনীয়া “ব’হাগ ২০২০”ৰ জনপ্ৰিয়তা লাভ কৰাৰ পাছত জনপ্ৰিয় শিল্পীগৰাকীয়ে এইটো নতুন গীতটো সৃষ্টি কৰিবলৈ সিদ্ধান্ত লোৱা বুলি জানিবলৈ দিছে।

উল্লেখ্য যে যোৱা ১৪, ১৫ আৰু ১৬ এপ্ৰিলত পাপনে অনুষ্ঠিত কৰা অনলাইন “ব’হাগত ২০২০”ত চান, চুনু নিগম, শ্ৰেয়া ঘোষাল, ৰিচা শৰ্মা, ডেনি দায়েল, শান্তনু মৈত্ৰাজ আদি বলিউদৰ বহু জনপ্ৰিয় শিল্পীয়ে অংশগ্ৰহণ কৰিছিল।

পাপনৰ এই লাইভ কনচাৰ্টত অসমৰ জনপ্ৰিয় শিল্পী জুবিন গাৰ্গৰ লগতে জুবলি বৰুৱা, অন্তাৰ নন্দী, জয় বৰুৱা, নীলোৎপল বৰা, শ্ৰুতি গোস্বামী আদিয়েও অংশগ্ৰহণ কৰিছিল।