কৰ’না সংকটৰ মাজতে কৰ’না ভাইৰাছৰ দৰৱ তৈয়াৰ কৰাৰ দাবী কৰিছে পতঞ্জলি আয়ুৰ্বেদৰ সহ প্ৰতিষ্ঠাপক আচাৰ্য বালকৃষ্ণই।
তেওঁ দাবী কৰে যে পতঞ্জলিয়ে কৰ’নাৰ দৰৱ তৈয়াৰ কৰাত সফলতা লাভ কৰিছে।
আচাৰ্য বালকৃষ্ণই লগতে দাবী কৰা মতে এই দৰৱ ব্যৱহাৰ কৰি এক হাজাৰৰো অধিক লোক সুস্থ হৈ উঠিছে।
তেওঁ দাবী কৰা মতে বিভিন্ন স্থানত কিছুমান কৰ’না ৰোগীক এই দৰৱ দিয়া হৈছিল যাৰ ফলত ৮০ শতাংশ লোক সুস্থ হৈ উঠিছে।
আচাৰ্য বালকৃষ্ণই কয় যে কেবল কৰ’নাৰ চিকিৎসাৰ বাবে ব্যৱহাৰ হোৱা দৰৱৰ ওপৰত কাম কৰিবলৈ তেওঁ প্ৰতিষ্ঠানটোৰ প্ৰতিটো বিভাগক কামত লগাইছিল আৰু তাৰ ফলাফল এতিয়া লাভ কৰিছে।
ইয়াৰ সফল প্ৰয়োগ কৰাই নহয়, লগতে এই দৰৱ তৈয়াৰো কৰি উলিওৱা হৈছে বুলি আচাৰ্য বালকৃষ্ণই কয়।
আচাৰ্য বালকৃষ্ণই সদৰী কৰে যে যে শাস্ত্ৰ, বেদ আদি অধ্যয়ন কৰি তাক বিজ্ঞানৰ ফৰ্মুলাত প্ৰয়োগ কৰি আয়ুৰ্বেদিক সামগ্ৰীৰে এই দৰৱ তৈয়াৰ কৰা হৈছে।
পতঞ্জলিৰ বিজ্ঞানীসকলে চীনত কৰ’নাৰ সংক্ৰমণ আৰম্ভ হোৱাৰ পাছৰে পৰাই কৰ’নাৰ দৰৱ তৈয়াৰ কৰাৰ কামত আত্মনিয়োগ কৰা বুলিও আচাৰ্য বালকৃষ্ণই জানিবলৈ দিয়ে।
