অসমৰ জাতি, মাটি, ভেটি ৰক্ষাৰ কথা কৈ শাসনলৈ অহা বিজেপি চৰকাৰখনে এপদ এপদ কৈ অসমৰ সম্পদ সমূহ বহিৰাগত পুঁজিপতিৰ হাতত গতাই দিয়াৰ প্ৰচেষ্টাত উদ্বিগ্ন হৈ পৰিছে স্বাভিমানী অসমীয়া।
শেহতীয়াকৈ হিমন্ত বিশ্ব শৰ্মাৰ চৰকাৰে গুৱাহাটীৰ কণ্ঠহাৰ স্বৰূপ দীঘলীপুখুৰী চোৱাচিতাৰ দায়িত্ব গুজৰাটী কোম্পানী এটাক অৰ্পণ কৰাকলৈও সৰৱ হৈ পৰিছে বিভিন্নজনে।
প্ৰাগজ্যোতিষপুৰৰ ৰজা ভগদত্তই তেওঁৰ কন্যা দীঘলীৰ নামেৰে খন্দোৱা এই ঐতিহাসিক পুখুৰীটোৰ এতিয়াৰে পৰা তত্বাৱধানত থাকিব গুজৰাটী কোম্পানী। ইয়াৰ ফলত দীঘলীপুখুৰীক কেন্দ্ৰ কৰি গঢ় লৈ উঠা অসমীয়াৰ সাংস্কৃতিক স্বাভিমানো হেৰাই যাব বহিৰাগত বনিয়াৰ হাতত।
লগতে পঢ়ক: গুৱাহাটী আৰু চেকেন্দ্ৰাবাদৰ মাজত চলিব গ্ৰীষ্মকালীন বিশেষ ৰে’ল
ৰাজ্য চৰকাৰৰ পৰ্যটন বিভাগে অসমীয়াৰ আৱেগক বিক্ৰী কৰি দীঘলীপুখুৰী গুজৰাটৰ ই চি এইছ টি কংলোমেৰাত প্ৰাইভেট লিমিটেড নামৰ এটা প্ৰতিষ্ঠানক গতাইছে। এই সন্দৰ্ভত আম আদমি পাৰ্টীৰ নেতা জিতুল ডেকাই সংবাদ মেলৰ জৰিয়তে সবিশেষ তথ্য ফাদিল কৰিছে।
আপ নেতা জিতুল ডেকাই কয়, ‘’জাতি, মাটি, ভেটিৰ সুৰক্ষাৰ প্ৰতিশ্ৰুতি দিয়া হিমন্ত বিশ্ব শৰ্মা নেতৃত্বাধীন অসমৰ বিজেপি চৰকাৰে অসমীয়াৰ আবেগ স্মৃতি জড়িত দীঘলীপুখুৰী পাৰ্ক খন নিজে চলাব নোৱাৰি নিবিদাৰ কোনো জাননী নিদিয়াকৈ অসমৰ জনসাধাৰণক আন্ধাৰত ৰাখি সংগোপনে বহিঃৰাজ্যৰ প্ৰতিষ্ঠানক ১৫ বছৰৰ বাবে গতাই দিলে।‘’
লগতে পঢ়ক: মৰ্মান্তিক! বাছত অগ্নিকাণ্ড, মহাৰাষ্ট্ৰৰ বুলঢানাত ভয়ংকৰ দুৰ্ঘটনা; ২৬ জন লোকৰ মৃত্যু
অসমৰ দীঘলী পুখুৰীৰ পাৰ্ক কেন্দ্ৰিত ব্যৱসায়বোৰ চলাবলৈ বহিৰাজ্যৰ উদ্যোগিক অগ্ৰাধিকাৰ দিবলৈ অসমীয়া উদ্যোগী সকলক উপেক্ষা কৰি অতি সংগোপনে নিবিদা আহ্বান কৰি কেৱল মাত্ৰ দুটা প্ৰতিষ্ঠানৰ উপস্থিতিতে দীঘলীপুখুৰী পাৰ্ক ১৫ বছৰৰ কাৰণে বাহিৰা প্ৰতিষ্ঠানক অসমৰ পৰ্যটন বিভাগে কেনেকৈ গতাব পাৰিলে সেই প্ৰশ্নও উত্থাপন কৰিছে ডেকাই।
ডেকাই আক্ষেপ কৰি কয়, ‘’অসমৰ জনসাধাৰণৰ স্মৃতি আৱেগ জৰিত হৈ থকা দীঘলী পুখুৰী পাৰ্কখনৰ নাও,ৰেস্তোৰাঁ,পাৰ্ক আদি সকলো ব্যৱসায় এতিয়া গুজৰাটৰ ব্যৱসায়িক প্ৰতিষ্ঠানে চলাব। কেইখনমান নাও, এখন ৰেস্তোৰাঁ পৰ্যটন বিভাগে চলাব নোৱাৰা হ’ল।‘’
লগতে পঢ়ক:আঘাত অতীত, ডাইমণ্ড লীগত স্বৰ্ণ জয়েৰে পুনৰ ছন্দলৈ উভতিল নীৰজ চোপ্ৰা
ডেকাই প্ৰশ্ন কৰে, ‘’পৰ্যটন ব্যৱসায়ত অসমৰ থলুৱা উদ্যোগীয়ে আত্ম প্ৰকাশ কৰিছে কিন্তু দীঘলী পুখুৰীৰ দৰে এখন সৰু পাৰ্ক অসমৰ পৰ্যটন বিভাগে কাৰ নিৰ্দেশত গুজৰাটৰ প্ৰতিষ্ঠানৰ হাতত গতাব পাৰিলে। বাহিৰৰৰ ব্যৱসায়ীক অসমৰ সম্পত্তিবোৰ কিনি লৈ যাবলৈ ৰঙা দলিচা কোনে পাৰিছে ??’’
