ষ্টাৰ ইণ্ডিয়াৰ প্ৰাক্তন মুখ্য কাৰ্যবাহী পিটাৰ মুখাৰ্জীৰ পুত্ৰ ৰাহুল মুখাৰ্জীয়ে দাবী কৰিছে যে শ্বীনা বৰা হত্যাত তেওঁৰ পিতৃৰ কোনো ভূমিকা নাছিল। চিবিআইৰ এখন বিশেষ আদালতত এই দাবী কৰিছে ৰাহুল মুখাৰ্জীয়ে।
উল্লেখ্য যে কুখ্যাত তথা হাই-প্ৰফাইল শ্বীনা বৰা হত্যাকাণ্ডৰ গোচৰত ইন্দ্ৰাণী মুখাৰ্জীৰ সৈতে এজন অভিযুক্ত হৈছে পিটাৰ মুখাৰ্জী।
শ্বীনা বৰাৰ বাগদত্তা ৰাহুলে এইদৰে কয়, “মই মোৰ স্থিতি পুনৰাবৃত্তি কৰোঁ যে মোৰ দেউতা নিৰ্দোষ।” ৰাহুলে অভিযুক্ত ইন্দ্ৰাণী মুখাৰ্জীৰ অধিবক্তাৰ প্ৰশ্নৰ উত্তৰ দিছিল।
তেওঁ দৰাচলতে কৈছিল যে তেওঁৰ পিতৃ পিটাৰ মুখাৰ্জীয়ে শ্বীনাক হত্যা কৰাৰ ষড়যন্ত্ৰৰ বিষয়ে অৱগত নাছিল।
“মই ৰাষ্ট্ৰপতি আৰু প্ৰধানমন্ত্ৰীলৈ পত্ৰ লিখিছো যে মোৰ দেউতা নিৰ্দোষ আৰু তেওঁৰ ওপৰত কোনো অভিযোগ উত্থাপন কৰিব নোৱাৰি,” ৰাহুলে কয়।
২০১২ চনৰ ২৪ এপ্ৰিলত, ২৪ বছৰীয়া শ্বীনাক তেওঁৰ মাতৃ ইন্দ্ৰাণী মুখাৰ্জী, তেওঁৰ প্ৰাক্তন স্বামী সঞ্জীৱ খান্না আৰু চালক শ্যামবৰ ৰায়ে পিটাৰ মুখাৰ্জীৰ সৈতে ষড়যন্ত্ৰ কৰি অপহৰণ কৰি হত্যা কৰাৰ অভিযোগ উত্থাপিত হৈছিল।
অৱশ্যে, ২০১৫ চনতহে আৰক্ষীয়ে অস্ত্ৰৰ গোচৰত শ্যামবৰ ৰায়ক গ্ৰেপ্তাৰ কৰাৰ পিছত তেওঁ অপৰাধ স্বীকাৰ কৰাৰ সময়ত শ্বীনা বৰাৰ হত্যাৰ কথা পোহৰলৈ আহিছিল।
বোম্বে হাইকোৰ্টে ২০২০ৰ ফেব্ৰুৱাৰীত ষ্টাৰ ইণ্ডিয়াৰ প্ৰাক্তন মুখ্য কাৰ্যবাহী পিটাৰ মুখাৰ্জীৰ জামিন মঞ্জুৰ কৰিছিল।
লগতে পঢ়ক: গাজাৰ শৰনাৰ্থী শিবিৰত ভয়াৱহ অগ্নিকাণ্ড: ৭ শিশুসহ ২১ গৰাকীৰ মৃত্যু
২০১২চনত তেওঁৰ প্ৰাক্তন পত্নী ইন্দ্ৰাণী মুখাৰ্জীৰ কন্য শ্বীনা বৰাক হত্যাৰ ষড়যন্ত্ৰত গ্ৰহণ কৰা ভূমিকাৰ অভিযোগত চিবিআইয়ে গ্ৰেপ্তাৰ কৰাৰ পাছত ২০১৫চনৰে পৰা পীটাৰ মুখাৰ্জী কাৰাবন্দী হৈ আছিল।
‘যেতিয়া ঘটনাতো সংঘটিত হৈছিল, আবেদনকাৰী (পিটাৰ মুখাৰ্জী)ভাৰতত নাছিল। ঘটনাটোৰ বিচাৰ ইতিমধ্যে চলি আছে। আবেদনকাৰী চাৰি বছৰতকৈয়ো অধিক কাল কাৰাগাৰাত আছে আৰু অলপতে বাইপাছ চাৰ্জাৰী হৈ গৈছে,’- জামিন প্ৰদান কৰি ন্যায়াধীশ চাম্ব্ৰে এইদৰে কৈছিল।
ন্যায়াধীশ নীতিন চাম্ব্ৰেই পিটাৰ মুখাৰ্জীক অতিৰিক্ত স্থগিতকৰণ ল’বলৈ অনুমতি দিয়া নাছিল আৰু গোচৰটোৰ সাক্ষী তেওঁৰ কন্যা বিধি, পুত্ৰ ৰাহুল আৰু আন সাক্ষীসকলৰ সৈতে যোগাযোগ কৰিব নোৱাৰে বুলি কৈছিল।
আদালতে লগতে প্ৰাথমিক সাক্ষ্যত অপৰাধটোত তেওঁ জড়িত থকাৰ কোনো প্ৰমান নাই বুলি কৈছিল।
লগতে পঢ়ক: ত্ৰিপুৰাত স্থাপন হ’ব এছিয়াৰ সৰ্ব্বোচ্চ ফোৱাৰা: নতুন বৰ্ষৰ প্ৰথম মাহতে সম্পূৰ্ণ হ’ব নিৰ্মাণ
অৱশ্যে, চিবিআইৰ অনুৰোধত আদালতে ইয়াৰ নিৰ্দেশনা ছয় বছৰৰ বাবে স্থগিত ৰাখিছিল যাতে তদন্তকাৰী সংস্থাটোৱে নিৰ্দেশটোৰ বিৰুদ্ধে এক আবেদন কৰিব পাৰে।
উল্লেখযোগ্য যে চিবিআইয়ে কৈছিল যে পিটাৰ মুখাৰ্জীয়ে ইন্দ্ৰাণী মুখাৰ্জী আৰু তেওঁৰ পূৰ্বৰ পতি সঞ্জীৱ খান্নাৰ সৈতে শ্বীনা বৰাক হত্যা কৰাৰ বাবে এক অপৰাধমূলক ষড়যন্ত্ৰত লিপ্ত হৈছিল।
