আমি এতিয়া অফিচত বেছিভাগ সময় বহি কাম কৰোঁ। কেৱল অফিচ বুলিয়েই নহয়, এতিয়া বেছিভাগ ডাঙৰ ডাঙৰ কোম্পানীয়ে ৱৰ্ক ফ্ৰম হোমো দিয়ে। যাৰ বাবে আমি ঘৰতে ন-দহ ঘণ্টা বহি কাম কৰিব লাগে। ফলত আমাৰ শৰীৰত চৰ্বি জমা হয় আৰু অন্যান্য ৰোগে বাহ লয়।
গোটেই দিন বহি কাম কৰিলে হৃদৰোগ, ডায়েবেটিছ, কিছুমান কেন্সাৰ, মেদবহুলতাৰ সম্ভাৱনা বৃদ্ধি পায়। ইয়াৰ ফলত পেশীৰ দুৰ্বলতা, বিপাকীয় ক্ৰিয়া লেহেমীয়া হোৱা, ৰক্তচাপ নিয়ন্ত্ৰণ আৰু তেজত শৰ্কৰাৰ মাত্ৰা বৃদ্ধি পোৱা, মানসিক স্বাস্থ্যৰ অৱনতি ঘটিব পাৰে।
দীৰ্ঘসময় বহি থকাৰ ফলত শৰীৰত হ’ব পৰা ৯টা সমস্যা হ’ল-
* হৃদৰোগৰ সম্ভাৱনা বৃদ্ধিঃ একেৰাহে বহি থাকিলে হৃদৰোগৰ সম্ভাৱনা বৃদ্ধি পায়।
*ডায়েবেটিছ ৰোগৰ সম্ভাৱনা বৃদ্ধি: বহি থাকিলে শৰীৰৰ তেজত শৰ্কৰাৰ মাত্ৰা নিয়ন্ত্ৰণ কৰাৰ ক্ষমতা হ্ৰাস পায়, যাৰ ফলত ডায়েবেটিছ ৰোগৰ সম্ভাৱনা বৃদ্ধি পায়।
* মেদবহুলতা বৃদ্ধি: বহু সময় বহি থাকিলে শৰীৰৰ বিপাকীয় ক্ৰিয়া লেহেমীয়া হয়, যাৰ ফলত শৰীৰত চৰ্বি জমা হয় আৰু মেদবহুলতা বৃদ্ধি পায়।
* পেশীৰ দুৰ্বলতা (muscle atrophy): শৰীৰৰ তলৰ অংশৰ পেশীবোৰ ব্যৱহাৰ নকৰিলে সেইবোৰ দুৰ্বল হৈ পৰে।
* কৰ্কট ৰোগৰ সম্ভাৱনা বৃদ্ধিঃ কিছুমান গৱেষণাৰ পৰা দেখা গৈছে যে অতিমাত্ৰা বহি থাকিলে বিভিন্ন ধৰণৰ কৰ্কট ৰোগৰ সম্ভাৱনা বৃদ্ধি পাব পাৰে।
* ৰক্তচাপ বৃদ্ধি: বহু সময় বহি থাকিলে ৰক্তচাপ নিয়ন্ত্ৰণত অসুবিধা হব পাৰে।
* তেজত শৰ্কৰাৰ মাত্ৰা বৃদ্ধি: বহি থাকিলে শৰীৰে তেজৰ শৰ্কৰা ভাঙিবলৈ কম সক্ষম হয়, যাৰ ফলত তেজত চেনিৰ মাত্ৰা বৃদ্ধি পায়।
* শাৰীৰিক অস্বস্তি আৰু বিষ: কঁকাল বা কঁকালৰ তলৰ অংশৰ বিষ, ডিঙিৰ বিষ, আৰু অন্যান্য শাৰীৰিক অস্বস্তিৰ সৃষ্টি হ’ব পাৰে।
*মানসিক স্বাস্থ্যৰ অৱনতিঃ বেছিকৈ বহিলে বা শাৰীৰিক ক্ৰিয়া-কলাপ নকৰাৰ ফলত মানসিক স্বাস্থ্যৰ ওপৰত নেতিবাচক প্ৰভাৱ পৰিব পাৰে।
