প্ৰধান মন্ত্ৰী নৰেন্দ্ৰ মোদীয়ে আজি শিৱসাগৰৰ ঐতিহাসিক জেৰেঙা পথাৰত বিশাল জনসভাক সম্বোধন কৰে।
ভাষণ প্ৰসংগত প্ৰধান মন্ত্ৰী নৰেন্দ্ৰ মোদীয়ে সতী জয়মতীৰ ত্যাগক শককোটি প্ৰণাম কৰে।
প্ৰায় ১ লাখ খিলঞ্জীয়া লোকক ভূমি পট্টা প্ৰদান কৰাৰ উদ্দেশ্যে চৰকাৰে গ্ৰহণ কৰা সিদ্ধান্ত সম্পৰ্কতে মোদীয়ে মত ব্যক্ত কৰি বিজেপি চৰকাৰ সদায় দেশৰ খিলঞ্জীয়া জনসাধাৰণৰ প্ৰতি দায়বদ্ধ বুলি কয়।
আনহাতে, চৰকাৰৰ ভূমি পট্টা প্ৰদানে ভূমিহীন জনসাধাৰণৰ এটা দীৰ্ঘদিনীয়া সপোন পূৰণ হ’ব বুলিও মোদীয়ে লগতে কয়।
ইপিনে, ভাষণত ভূপেন হাজৰিকাৰ জনপ্ৰিয় ‘অ’ মোৰ ধৰিত্ৰী আই’ শীৰ্ষক গীতৰ কথা উল্লেখ কৰি মোদীয়ে ভূমি বিহীনভাৱে কৃষক সকল অসহায় বুলি কোৱাৰ লগতে ভূমি পট্টা প্ৰদানে তেওঁলোকক উপকৃত কৰিব বুলিও কয়।
শিৱসাগৰক দেশৰ পাঁচখন প্ৰত্নত্বাত্তিক স্থানৰ ভিতৰত অন্তৰ্ভূক্ত কৰাৰ ক্ষেত্ৰতো চৰকাৰে ব্যৱস্থা গ্ৰহণ কৰিছে বুলি মোদীয়ে ভাষণত উল্লেখ কৰে।
বড়ো চুক্তিৰ কথা উল্লেখ কৰি বড়ো চুক্তিয়ে ৰাজ্যখনৰ দীৰ্ঘদিনীয়া সমস্যা এটাৰো অন্ত পেলালে বুলি মোদীয়ে কয়।
কোভিডৰ সয়মত উজ্বলা যোঁজনাই জনসাধাৰণক সহায় কৰিছে বুলিও মোদীয়ে লগতে কয়।
জলপথেৰে উত্তৰ-পূবৰ পৰা ম্যানমাৰ, বাংলাদেশ দেশলৈ যাতায়তৰ ব্যৱস্থাও বিজেপি চৰকাৰৰ দিনতে চলি আছে বুলি মোদীয়ে উল্লেখ কৰাৰ লগতে ভবিষ্যতে অসম ইথানল প্ৰস্তুতকাৰী মুখ্য ৰাজ্য হিচাপে দেশৰ ভিতৰত পৰিগণিত হ’ব বুলি কয়।
ভাষণৰ শেষত মোদীয়ে জনসাধাৰণক কোভিডৰ ভেকচিন গ্ৰহণ কৰাৰ লগতে সাৱধানতা আৱলম্বন কৰিবলৈয়ো আহ্বান জনায়।
