উচ্চতম ন্যায়ালয়ে প্ৰাক্তন ন্যায়াধীশ ইন্দু মালহোত্ৰাক প্ৰধানমন্ত্ৰী নৰেন্দ্ৰ মোদীৰ পঞ্জাৱ ভ্ৰমণৰ সময়ত নিৰাপত্তা উলংঘনৰ তদন্তৰ বাবে পাঁচ জনীয়া সমিতিৰ নেতৃত্ব দিবলৈ নিযুক্তি দিয়ে।
ভাৰতৰ মুখ্য ন্যায়াধীশ এন ভি ৰমনাৰ নেতৃত্বত গঠিত বিচাৰপীঠে কৈছে যে এই প্ৰশ্নবোৰ আৰ হ’বলৈ এৰি দিব নোৱাৰি ।ন্যায়াধীশ ইন্দু মালহোত্ৰাৰ উপৰিও, তদন্ত পেনেলত ৰাষ্ট্ৰীয় অনুসন্ধান সংস্থাৰ (এনআইএ) সঞ্চালক প্ৰধান বা আৰক্ষী মহাপৰিদৰ্শক পদবীৰ তলত তেওঁৰ মনোনীত ব্যক্তিক অন্তৰ্ভুক্ত কৰা হৈছে।
আৰক্ষী সঞ্চালক প্ৰধান, কেন্দ্ৰীয় শাসিত অঞ্চল চণ্ডিগড়, আৰু পঞ্জাৱৰ অতিৰিক্ত আৰক্ষী সঞ্চালক প্ৰধান (নিৰাপত্তা), সদস্য হিচাপে আৰু পঞ্জাৱ আৰু হাৰিয়ানা উচ্চ ন্যায়ালয়ৰ মহাপঞ্জীয়ক সদস্য-তথা-সমন্বয়ক হিচাপে আছে ,আদালতে সমিতিখনক অতি সোনকালে ইয়াৰ প্ৰতিবেদন দাখিল কৰিবলৈ কৈছে।
দিল্লীস্থিত লয়াৰ্ছ ভইচৰ এক আবেদনৰ শুনানি গ্ৰহণ কৰি আদালতে ৭ জানুৱাৰীত পঞ্জাৱ আৰু হাৰিয়ানা উচ্চ ন্যায়ালয়ৰ মহাপঞ্জীয়কক প্ৰধানমন্ত্ৰীৰ ভ্ৰমণৰ “তৎক্ষণাৎ ৰেকৰ্ডসমূহ জব্দ আৰু সুৰক্ষিত কৰিবলৈ” কৈছিল।
