দৰং আৰক্ষীয়ে অস্ত্ৰ-শস্ত্ৰসহ আটক কৰিলে দুজন চোৰাং চিকাৰীক
বন বিভাগ তথা আৰক্ষীৰ বাবে মূৰৰ কামোৰণি হৈ পৰা দুজন চোৰাং চিকাৰীক দেওবাৰে নিশা দৰং আৰক্ষীৰ এটা অভিযানকাৰী দলে কৰায়ত্ত কৰিবলৈ সক্ষম হৈছে।
আটকাধীন চোৰাং চিকাৰী দুজনৰ পৰা এটা পইণ্ট থ্ৰী নট থ্ৰী ৰাইফল উদ্ধাৰ কৰাৰ লগতে চোৰাং চিকাৰী দুজনৰ এজন নাগালেণ্ডৰ বুলি আৰক্ষীয়ে জানিবলৈ দিয়ে।
আজি দৰং জিলাৰ আৰক্ষী অধীক্ষক শ্ৰীজিঠ ঠিৰাভিয়ামে এই সংক্ৰান্তত এখন সংবাদমেল সম্বোধন কৰি কয় যে উপ আৰক্ষী অধীক্ষক অমিত হোজাই আৰু শ্যামপুৰ আৰক্ষী থানাৰ উপ পৰিদৰ্শক নিপু কলিতাৰ নেতৃত্বত যোৱা এটা অভিযানকাৰী দলে কালি নিশা প্ৰায় ৯.৩০ মান বজাত ৰৌমাৰী বজাৰৰ পৰা উক্ত চোৰাং গঁড় চিকাৰী দুজনক গ্ৰেপ্তাৰ কৰে।
চোৰাং চিকাৰী কেইজনৰ পৰা পইণ্ট থ্ৰী নট থ্ৰী ৰাইফলটোৰ উপৰি এটা মেগজিন, পাঁচ জাই সক্ৰিয় গুলী, এটা চাইলেন্সাৰ, ট্ৰেংকুলাইজাৰৰ লগতে চাৰিটা চিৰিঞ্জ উদ্ধাৰ কৰা বুলি জনায়।
আনহাতে আটকাধীন লোক দুজনৰ এজন নাগালেণ্ডৰ ধনশিৰিপাৰ গাঁৱৰ শৈলেন্দ্ৰ কেম্পৰাই (৪০) আৰু আনজন নগাঁও জিলাৰ ধিং আৰক্ষী থানাৰ অন্তৰ্গত ১ নং লাংগীয়া গাঁৱৰ ছাছিমুদ্দিনৰ পুত্ৰ খাইৰুল জামান (৩২) বুলি জানিবলৈ দিয়ে আৰক্ষী অধীক্ষক শ্ৰীজিঠ ঠিৰাভিয়ামে।
You may also like
বৰ্তমান আটাইতকৈ বিপৰ্য্যয়ৰ মুখত আছে আমাৰ গণতন্ত্ৰ : যশৱন্ত সিনহা
বিজেপি নেতৃত্বাধীন কেন্দ্ৰীয় চৰকাৰৰ কাৰ্য্যকাল অন্ত পৰিবলৈ মাজত মাত্ৰ দুটামান মাহহে বাকী আছে। তেনে সময়ত নৰেন্দ্ৰ মোদী নেতৃত্বাধীন চৰকাৰখনক ‘গণতন্ত্ৰ ধ্বংসকাৰী’ হিচাপে…
প্ৰধান মন্ত্ৰী নৰেন্দ্ৰ মোদীক অসাংবিধানিক ভাষাৰে সমালোচনা কৰাৰ অধিকাৰ ৰিপুন বৰাৰ নাই : মেঘনা হাজৰিকা
‘জনসাধাৰণৰ বিপুল সমৰ্থন, আস্থাৰ ভোটত জয়ী হৈ ভাৰতৰ প্ৰধান মন্ত্ৰীৰ পদ অলংকৃত কৰা প্ৰধান মন্ত্ৰী নৰেন্দ্ৰ মোদীক অসংসদীয় ভাষাৰে সমালোচনা কৰাৰ অধিকাৰ…
‘মোৰ জয় নিশ্চিত’: গুৱাহাটীত বিশাল সমদলেৰে অন্তিম প্ৰচাৰত কংগ্ৰেছৰ ববিতা শৰ্মা
“আমাৰ যিসকল কংগ্ৰেছ কৰ্মী আছে, তেওঁলোকৰ উৎসাহ-উদ্দীপনা দেখিলে বুজি পাব আমাৰ জয় নিশ্চিত। ৰাইজৰ সঁহাৰিৰ পৰাও জয়ী হ’ম বুলি নিশ্চিত।”, প্ৰচাৰৰ অন্তিম…
চাকৰি নিয়মীয়াকৰণৰ দাবীৰে পুনৰ আন্দোলনত নামিব প্ৰাথমিক টেট উত্তীৰ্ণ শিক্ষক সমাজ
‘‘বিনাচৰ্তে বেতন সুৰক্ষাসহ চাকৰি নিয়মীয়াকৰণৰ দাবীৰে পুনৰবাৰ আন্দোলনত নামিব প্ৰাথমিক টেট উত্তীৰ্ণ শিক্ষক সমাজ,’’ এই মন্তব্য প্ৰাথমিক টেট উত্তীৰ্ণ শিক্ষক সমাজৰ সাধাৰণ…