জননেতা শৰৎ চন্দ্ৰ সিংহৰ আৰ্দশক জলাঞ্জলি দি অসম চৰকাৰে চাপৰ-শালকোচাত সুৰাৰ বিপনীৰ অনুমতিৰ বিৰুদ্ধে আজি প্ৰতিবাদ সাৱস্ত্য কৰা ছাত্ৰ-ছাত্ৰীৰ ওপৰত জঁপিয়াই পৰিল অসম চৰকাৰৰ আৰক্ষী বাহিনী।
আছু’ৰ সহযোগত সহস্ৰাধিক ছাত্ৰ-ছাত্ৰীয়ে অংশগ্রহণ কৰা প্ৰতিবাদী কাৰ্যসূচী আৰক্ষীৰ আক্ৰমণত তছনছ হৈ পৰে।
শিক্ষাৰ্থীৰ প্ৰতিবাদৰ ফলত দুৰণিবটীয়া যান-বাহনকে ধৰি শালকোচাৰ ১৭ নং ৰাষ্ট্ৰীয় ঘাই পথৰ দুয়োকাষে আৱদ্ধ হৈ পৰে শ-শ যান-বাহন।
চাপৰৰ শালকোছাত উত্তপ্ত পৰিস্থিতি । শালকোছাত অৱৈধ ভাৱে স্থাপন হোৱা সুৰাৰ বিপনী বাতিলৰ দাবীত উত্তপ্ত হৈ পৰে পৰিস্থিতি ।
আছু ,আক্ৰাছুকে ধৰি বিভিন্ন দল-সংগঠনৰ লগতে শ শ কণ কণ স্কুলীয়া ছাত্ৰ-ছাত্ৰী আৰু স্থানীয় ৰাইজে ৰাষ্ট্ৰীয় ঘাইপথত অৱৰোধ কৰি সাব্যস্ত কৰে এই প্ৰতিবাদ। সুৰাৰ বিপনী বন্ধ কৰক,অসম চৰকাৰ হায় হায় আৱকাৰী বিভাগ হায় হায় আদি বিভিন্ন শ্লোগানেৰে দল সংগঠনৰ তীব্র প্রতিবাদ।
প্ৰতিবাদস্হলীত দুৰণিবটীয়া যান-বাহনকে ধৰি শালকোছাৰ ১৭ নং ৰাষ্ট্ৰীয় ঘাই পথৰ দুয়োকাষে শ-শ যান-বাহন আৱদ্ধ হৈ পৰে। প্ৰতিবাদকাৰী ছাত্ৰ ছাত্ৰীক আৰক্ষী লাঠিচালনা কৰে আৰক্ষীয়ে। আৰক্ষীৰ লাঠিৰ কোবত গুৰুতৰ ভাবে আঘাতপ্ৰাপ্ত হয় কেইবা গৰাকী ছাত্ৰ ছাত্ৰী ।
প্ৰশাসনৰ সন্মুখতে প্ৰতিবাদকাৰীয়ে আৰক্ষীলৈ ভয় নকৰি শ শ স্কুলীয়া ছাত্ৰ- ছাত্ৰী আৰু ৰাইজে ভাঙিলে অবৈধ সুৰাৰ বিপনী।
সুৰাৰ বিপনী বন্ধ নকৰিলে ইয়াতকৈ আৰু অধিক জঙ্গি আন্দোলন গঢ়ি তুলিব বুলিও হুঙ্কাৰ প্ৰদান কৰে।
আনহাতে আৰক্ষীয়ে কণ-কণ ছাত্ৰী ওপৰত লাঠিচালনা কৰি গুৰুতৰ ভাৱে আঘাত প্ৰাপ্ত কৰা কাৰ্যক গৰিহণা দিয়াৰ লগতে অসমৰ মুখ্য মন্ত্ৰীক উক্ত ঘটনাৰ তদন্তৰ বাবে দাবী উত্থাপন কৰিছে সচেতন মহলে।
