ভয়ংকৰ পথ দুৰ্ঘটনাত নিহত হৈছে পাঞ্জাৱৰ জনপ্ৰিয় গায়ক ৰাজবীৰ জাৱাণ্ডাৰ। সামাজিক মাধ্যমত এই দুখজনক খবৰ সদৰী কৰিছে মুখ্যমন্ত্ৰী ভগৱন্ত মানে।
তেওঁ সামাজিক মাধ্যমত জনাইছে যে ৰাজবী জৱাণ্ডা পথ দুৰ্ঘটনাত আহত হৈছিল আৰু চিকিৎসাৰ সময়ত তেওঁৰ মৃত্যু হৈছে।
তথ্য অনুসৰি ২৭ ছেপ্টেম্বৰৰ পুৱা হিমাচল প্ৰদেশৰ বাদ্দিৰ সমীপত সংঘটিত হৈছিল এই ভয়ংকৰ পথ দুৰ্ঘটনা।
দুৰ্ঘটনা সংঘটিত হোৱাৰ পিছতে ৰাজবীৰ জৱাণ্ডাক মোহলীৰ ফৰ্টিছ হাস্পতালত ভৰ্তি কৰোৱা হয়। তেওঁ প্ৰায় ১১ দিন ভেণ্টিলেটৰত আছিল।
বুধবাৰে ফৰ্টিছ হাস্পতালে তেওঁৰ মৃত্যু নিশ্চিত কৰিছে। চিকিৎসালয়খনে প্ৰকাশ কৰা এক বিবৃতিত কোৱা হৈছে যে ২০২৫ চনৰ ৮ অক্টোবৰৰ পুৱা ১০:৫৫ বজাত ৰাজবীৰৰ মৃত্যু হয়।
২০২৫ চনৰ ২৭ ছেপ্টেম্বৰত হোৱা পথ দুৰ্ঘটনাৰ পিছত অতি সংকটজনক অৱস্থাত তেওঁক চিকিৎসালয়লৈ অনা হৈছিল। তেওঁৰ মেৰুদণ্ড আৰু মূৰত গুৰুতৰভাৱে আঘাত পাইছিল। ৰাজবীৰৰ মৃত্যুত পাঞ্জাৱৰ সাংস্কৃতিক জগতত শোকাকুল পৰিৱেশে বিৰাজ কৰিছে।
