সদৌ কাচাৰ কৰিমগঞ্জ, হাইলাকান্দি ছাত্ৰ সন্থাৰ প্ৰতিষ্ঠাপক সভাপতি তথা বিজেপিৰ সদস্য সদস্য প্ৰদীপ দত্ত ৰয়ে আকৌ এবাৰ সুকীয়া বৰাক ৰাজ্যৰ দাবী উত্থাপন কৰিছে। তেখেতৰ বাসগৃহত সংবাদ মাধ্যমক সম্বোধন কৰি দত্ত ৰয়ে কৈছে, ‘‘শিলচৰৰ এটা সমদলত যোৱা ৪ জানুৱাৰিত প্ৰধান মন্ত্ৰী মোডীয়ে নাগৰিকত্ব (সংশোধনী) বিধেয়ক আজি ৭ জানুৱাৰিত গৃহীত কৰাৰ সন্দৰ্ভত কৰা মন্তব্যৰ ওপৰত আছু, কৃষক মুক্তি আৰু অগপই তীব্ৰ বিৰোধিতা কৰাত মই আচৰিত হৈ পৰিছোঁ।’’
প্ৰদীপ দত্ত ৰয়ে কৈছে, ‘‘আছু আৰু নেছ’ই অহা কালি বন্ধৰ আহ্বান দিছে। এই বন্ধৰ কোনো প্ৰভাৱ বৰাক উপত্যকা আৰু চুবুৰীয়া ৰাজ্য নাগালেণ্ড, অৰুণাচল, ত্ৰিপুৰা আৰু মিজোৰামত নপৰে।’’
তাৰ পাছত নৰ্থ ইষ্ট নাওৰ সৈতে হোৱা এটা সাক্ষাৎকাৰত তেওঁ আৰু কৈছে, ‘‘অসম চুক্তিৰ ৯ম দফাটো যিমান সোনকালে কাৰ্যকৰী কৰাৰ বাবে পাৰি কেন্দ্ৰই ৯জনীয়া সদস্যৰ এখন সমিতি গঠন কৰি দিছে। এই সংগঠনসমূহৰ বিৰোধিতা গৰিহণাযোগ্য। মই ক’বলৈ ভাল পাম যে তেওঁলোকে বদৰুদ্দিন আজমলক অসমৰ পৰৱৰ্তী মুখ্য মন্ত্ৰীৰ আসনত বহুৱাবলৈ উঠি পৰি লাগিছে।’’
‘‘তেওঁলোকে যদি এই বিধেয়কখনৰ বিৰোধিতা কৰি থাকে, তেন্তে বৰাক তেওঁলোকৰ সৈতে নাথাকে। বৰাকক তেওঁলোকৰ অংশ হিচাপে থকাটো তেওঁলোকে বিচাৰে নে বিবিচাৰে সেয়া তেওঁলোকে নিজেএই সিদ্ধান্ত লওঁক।
নৰ্থ ইষ্ট নাওৰ সৈতে সাক্ষাৎ শেষ কৰাৰ সময়ত দত্ত ৰয়ে কংগ্ৰেছ দলক দলটোৰ বিধেয়কখনৰ বিৰুদ্ধে গ্ৰহণ কৰা ভূমিকাৰ বাবে কঠোৰ ভাষাৰে সমালোচনা কৰে। তেওঁ কয়, ‘‘কংগ্ৰেছে বিধেয়কখনৰ বিষয়ত দুমুখীয়া নীতি গ্ৰহণ কৰিছে। শিলচৰৰ সাংসদ তথা সদৌ ভাৰত মহিলা কংগ্ৰেছৰ সভানেত্ৰী সুষ্মিতা দেব, যি যুটীয়া সংসদীয় সমিতিৰ সদস্য, তেওঁ দিল্লীত বিধেয়কখনৰ বিৰোধিতা কৰিছে আৰু সেয়া তেওঁ শিলচৰৰ ৰাইজৰ হৈ বক্তব্য ৰাখিছে। ২০১৪ৰ নিৰ্বাচনত তেওঁক শিলচৰৰ জনসাধাৰণে বিজয়ী কৰি সংসদলৈ পঠাইছিল। সময়ত তেওঁক শিলচৰৰ জনসাধাৰণে তেওঁৰ এই কৰ্মৰ বাবে বাহিৰো কৰি দিব।”