কেৱল ‘কা’ আন্দোলন কৰা শিল্পীয়েহে পালে ৫০ হাজাৰ টকাৰ অনুদান, বাকী বোৰে?
ৰাজীৱ ভৱনত আজি প্ৰদেশ কংগ্ৰেছৰ সভাপতি ৰিপুন বৰাই এখন সংবাদমেল সম্বোধন কৰে।সংবাদমেলত ২০১৯-২০ বৰ্ষৰ বাজেট সন্দৰ্ভত বিস্তৃত ভাবে আলোচনা কৰা হয়।
বৰাই কয় যে চৰকাৰী শিক্ষানুষ্ঠাৰ হোষ্টেলৰ মাচুল ১০ মাহৰ বাবে ৰেহাই দিয়াৰ কথা উল্লেখ আছিল বাজেটত কিন্তু বিজেপি চৰকাৰে সেয়া কাৰ্যকৰী নকৰিল।
২৫ হাজাৰ টকা কৈ গোটক দিয়াৰ কথা চৰকাৰে কৈছিল যদিও সেয়াও কাৰ্যকৰী নকৰিলে বুলি তেওঁ সংবাদমেলত কয়।
পৰিবহণ বিভাগত ১৫ শ খন বাছ অতিৰিক্ত মজুত থাকিব লাগিছিল কিন্তু সেয়া হৈ নুঠিল আৰু থকা বাছ খিনিও ভালদৰে পৰিচালিত নোহোৱাৰ অভিযোগ তোলে বৰাই।
ভ্ৰাম্যমাণ থিয়েটাৰৰ কলা কুশলীক ৫০ হাজাৰ টকা দিয়াৰ কথা আছিল কিন্তু সেয়া কাৰ্যকৰী নহল কেৱল কা আন্দোলনত জড়িত বচা বচা কলা কুশলীকহে সেই ধন দিয়া হ’ল।
খিলঞ্জীয়া মুছলমান সকলৰ উন্নয়নৰ ক্ষেত্ৰত বিজেপি চৰকাৰ খনে পিঠি দিয়া বুলিও তেওঁ অভিযোগ কৰে।
প্ৰধানমন্ত্ৰী ফচল বীমা যোজনাত ৯ শতাংশ মানুহে নাম অন্তৰ্ভূক্ত কৰাৰ পিছতো .৪ শতাংশ মানুহহে এই যোজনাৰ আওতালৈ আহিছিল বুলি তেওঁ কয়।
বৃক্ষ ৰোপনৰ পৰিকল্পনাতো কেৰোণ থকা বুলি উল্লেখ কৰি বৰাই বিজেপিৰ চৰকাৰ খনক তুলাধুনা দিয়ে।।
যোগীঘোপা কাগজ কল পুনৰ মুকলি কৰাৰ পৰিৱৰ্তে তাত এখন পার্ক নিৰ্মাণৰ সিদ্ধান্ত লৈছে বিজেপি চৰকাৰে বুলি তেওঁ সংবাদমেলত উল্লেখ কৰে।
জৰীপ নোহোৱা গাঁৱত জৰীপ কৰি ভূমি পট্টা প্ৰদান কৰাৰ প্ৰসংগত বৰাই কয় যে জৰীপৰ পিছতো খিলঞ্জীয়া মানুহে নাপালে ভূমিৰ পট্টা,কেৱল RSS পৰিচালিত অনুষ্ঠানকহে ভূমিৰ পট্টা প্ৰদান কৰা বুলি তেওঁ অভিযোগ কৰে।
আজিৰ তাৰিখত ১৪ লাখ পৰিয়ালৰ নামত ভূমিৰ পট্টা নাই বুলি তেওঁ কয়।