অসমত চলিত বানপানীত প্ৰিয়ংকা চোপ্ৰাৰ ভূমিকাত অসন্তুষ্ট বহুলোকে চ’চিয়েল মিদিয়াত অভিনেত্ৰীগৰাকীক সমালোচনা কৰি থকাৰ মাজতে আহিছে এই খবৰ।
অভিনেত্ৰী চোপ্ৰা বৰ্তমান অসম পৰ্য্যটনৰ ব্ৰেণ্ড এম্বেছেদৰ হৈ থকা নাই।
মন্ত্ৰী হিমন্ত বিশ্ব শৰ্মাই অসমৰ মানুহক আচৰিত কৰিব পৰা এই কথা ঘোষণা কৰিছে।
ৰাজ্যজোৰা বিধ্বংসী বানৰ মাজতে মন্ত্ৰীজনে টুইটাৰত ঘোষণা কৰিছে যে চোপ্ৰাৰ সৈতে অসম চৰকাৰৰ চুক্তিৰ ম্যাদ উকলি গৈছে।
অসম পৰ্য্যটনৰ ব্ৰেণ্ড এম্বেছেদৰ হিচাপে ২০১৬ চনৰ ১৯ ডিচেম্বৰত অসম চৰকাৰে এক চুক্তি কৰিছিল।
২০১৭ চনত বলিউদ অভিনেত্ৰীগৰাকীক লৈ “অচাম আছাম” শীৰ্ষক এলানি প্ৰচাৰ ছবি প্ৰস্তুত কৰা হৈছিল। অসমত পৰ্য্যটনক গতি দিয়াৰ বাবে নিৰ্মিত এইলানি প্ৰচাৰ ছবিত প্ৰিয়ংকা চোপ্ৰাক সাঙুৰি এশিঙীয়া গঁড়, অসমৰ চাঽ আৰু ব্ৰহ্মপুত্ৰত ফ’কাছ কৰা হৈছিল।
চলিত বানত বিধ্বস্ত অসমক সহায় কৰিবলৈ বুধবাৰে টুইটাৰযোগে অভিনেত্ৰীগৰাকীয়ে আহ্বান জনাইছিল।
Extremely devasted by all the news coming in from #Assam and other parts of India.
It’s heartbreaking to read about the displacement and loss of life. My prayers with those affected.Please donate at https://t.co/d5dow5OuLG and https://t.co/GNytaEqF0r
— PRIYANKA (@priyankachopra) July 17, 2019
ইফালে চোপ্ৰাক অসম পৰ্য্যটনৰ ব্ৰেণ্ড এম্বেছেদৰ হিচাপে পুনৰ নৰখাটোত একাংশই অসন্তুষ্টি ব্যক্ত কৰিছে।
“আমাৰ (পৰ্য্যটন) ব্ৰেণ্ড এম্বেছেদৰৰূপে অসম চৰকাৰে প্ৰিয়ংকা চোপ্ৰাক নৰখাৰ সিদ্ধান্ত কিয় ল’লে আমি বুজা নাই,” গুৱাহাটীৰ ৰাজীৱ দাস নামৰ এজন ব্যৱসায়ীৰ মত।
নন্দিতা দত্ত নামৰ এগৰাকী কলেজীয়া ছাত্ৰীৰ মতে, “অচাম আছাম প্ৰচাৰত প্ৰিয়ংকা চোপ্ৰাৰ উপস্থিতিয়ে আমাক ভাৰতজুৰি জনপ্ৰিয়তা অৰ্জাত সহায় কৰিছিল। তেওঁক বাদ দিয়াৰ সিদ্ধান্ত ভুল।”