অসমীয়া চলচ্চিত্ৰ ‘অপৰূপা’ত অভিনয় কৰা প্ৰসিদ্ধ শিল্পী জ্ঞানপীঠ বঁটা বিজয়ী পদ্মভূষণ গিৰীশ কাৰ্নাডৰ দেহাৱসান
সুধাকণ্ঠ ড০ ভূপেন হাজৰিকাই সংগীত পৰিচালনা কৰা আৰু বিশিষ্ট অসমীয়া চলচ্চিত্ৰ পৰিচালক জাহ্নু বৰুৱাই পৰিচালনা কৰা অসমীয়া চলচ্চিত্ৰ ‘অপৰূপা’ত অভিনয় কৰি অসমবাসীৰ চিনাকী লাভ কৰা বিশিষ্ট অভিনেতা, নাট্যকাৰ, সাহিত্যিক জ্ঞানপীঠ বঁটা বিজয়ী পদ্মভূষণ গিৰীশ কাৰ্নাডৰ আজি ৮১ বছৰ বয়সত বাংগালুৰুত দেহাৱসান ঘটে।
অসমীয়া চলচ্চিত্ৰত অভিনয়ৰ যোগেৰে অমসৰ লগত সম্পৰ্ক গঢ়ি তোলা বিশিষ্ট অভিনেতাগৰাকীয়ে নাটকৰ লগত থকা সম্পৰ্ক আৰু বক্তৃতা প্ৰদানৰ বাবে বহুবাৰ অসমলৈ আহিছিল। ১৯৯৮ চনত জ্ঞানপীঠ বঁটা লাভ কৰা কাৰ্নাডৰ জন্ম হৈছিল ১৯৩৮ চনত মহাৰাষ্ট্ৰৰ মাথেৰাং নামৰ ঠাইত।
অভিনয়, বিশেষকৈ টেলিভিশ্যন জগতৰ অভিনয় ক্ষেত্ৰলৈ আগবঢ়োৱা অভূতপূৰ্ব অৱদানৰ বাবে ভাৰত চৰকাৰে তেওঁক পদ্মশ্ৰী আৰু পদ্মভূষণ সন্মানেৰেও সন্মানিত কৰিছিল।
অসমীয়াৰ উপৰিও কাৰ্নাডে বহু হিন্দী, কানাড়া চলচ্চিত্ৰ অভিনয় কৰিছিল। মালগুৰি ডেইয়জ, টাইগাৰ জিন্দা হ্যে আদি অভিনেটা গৰাকীয়ে অভিনয় কৰা বলীউদৰ কিছু উল্লেখযোগ্য চলচ্চিত্ৰ।
গীৰিশ কাৰ্নাডৰ কেইখনমান উল্লেখযোগ্য নাটক হ’ল ‘যযাতি’, ‘টোগলক’, নাগমণ্ডল ইত্যাদি। বিশিষ্ট অভিনেটা নাট্যকাৰ অভিনেতাগৰাকীৰ মৃত্যুত দেশৰ লগতে অসমৰ বিভিন্ন স্তৰৰ লোকে শোক প্ৰকাশ কৰিছে।
অসমৰ মুখ্য মন্ত্ৰী সৰ্বানন্দ সোণোৱালেও টুইট যোগে বিশিষ্ট অভিনেটাগৰাকীৰ মৃত্যুত শোক প্ৰকাশ কৰিছে।
চলচ্চিত্ৰৰ পৰিচালক জাহ্নু বৰুৱাৰ পত্নী গায়ত্ৰী বৰুৱায়ো শিল্পীগৰাকীৰ মৃত্যুত শোক প্ৰকাশ কৰে। ফেইচবুক পোষ্ট যোগে বৰুৱাই শিল্পীগৰাকীৰ তেওঁলোকৰ পৰিয়ালৰ লগত ঘনিষ্ঠ সম্পৰ্ক আছিল বুলি উল্লেখ কৰি তেওঁৰ আত্মাৰ চিৰশান্তি কামনা কৰে।